لاہور: (نیوز ڈیسک) وزیراعلیٰ پنجاب مریم نواز نے کہا ہے کہ تعمیر پاکستان کے لیے آج بھی تحریک پاکستان والے جذبے کی ضرورت ہے۔ یوم پاکستان پر اپنے پیغام میں وزیراعلیٰ پنجاب مریم نواز نے کہا ہے کہ قوم قرارداد پاکستان منظور کرنے والے مسلم لیگ کے عمائدین کو خراج عقیدت پیش کرتی ہوں۔
مریم نواز نے کہا کہ قرارداد پاکستان کی طرح آج قرارداد ترقی پاکستان وقت کی اشد ضرورت ہے، نوجوانوں کو استحکام و ترقی کے لیے کام، کام اور کام کی قرارداد کو اپنانا ہو گا۔
وزیراعلیٰ پنجاب نے اپنے پیغام میں مزید کہا ہے کہ اللہ ہمیں پاکستان کے عظیم بانیان کے نقش قدم پر چلنے کی توفیق عطا فرمائے۔
