بانی پی ٹی آئی عمران خان کبھی ڈیل نہیں کریں گے، ڈونلڈ لو نے جھوٹا بیان دیا اس پر اسد مجید کو بلایا جانا چاہیے، سائفر سازش تھی اب بھی اپنے بیان پر کھڑے ہیں،عدالت کے باہر میڈیا سے گفتگو
اسلام آباد ( نیوز ڈیسک ) وزیراعلیٰ خیبر پختونخوا علی امین گنڈاپور نے کہا ہے وزیراعظم شہباز شریف خود فارم 47 والے ہیں ان سے انتخابی دھاندلی پر کیا بات کروں، مینڈیٹ چوری ہوا ہے، حکومت غیر آئینی ہے، فارم 45 اور 47 تبدیل کیے گئے، حکومت کو نہیں مانتے، چوری کے مینڈیٹ والی حکومت کیا ڈیلیور کرے گی۔جوڈیشل کمپلیکس اسلام آباد میں پیشی کے بعد میڈیا سے گفتگو کرتے ہوئے ان کا کہنا تھا کہ بانی پی ٹی آئی عمران خان کبھی ڈیل نہیں کریں گے۔
ڈونلڈ لو نے جھوٹا بیان دیا اس پر اسد مجید کو بلایا جانا چاہیے۔ سائفر سازش تھی اب بھی اپنے بیان پر کھڑے ہیں، غیرت مند پاکستانی کے گھر میں مداخلت بھی ہو تو یہ سازش ہے۔سائفر آنے کی تصدیق اس وقت کے سفیر نے بھی کی تھی۔
بانی پی ٹی آئی عمران خان کو اس پر سزا ہوئی اگر سائفر نہیں تھا تو پھر بانی پی ٹی آئی کو غلط سزا ہوئی ہے۔ مداخلت تھی یا سازش غیرت مند پاکستانی ہونے کے ناطے ہمیں یہ بالکل برداشت نہیں۔
سائفر سے متعلق ڈونلڈ لو کے بیان کی پاکستانی سفیر اسد مجید نے تصدیق کی تھی، اسدمجید کو بلاکر پوچھا جائے کہ بات چیت نہیں ہوئی تو سائفر کس نے بھیجاتھا، ڈونلڈ لو سچ اگر بول رہے ہیں تو سائفر تھا کیا؟انہوں نے کہا کہ بانی پی ٹی آئی عمران خان نے ہمیشہ کہا کہ پاکستان کیلئے وہ بات چیت کیلئے تیار ہیں۔ ہم نے صوبے میں ہیلتھ کارڈ شروع کیا ہے، وفاقی حکومت نے ہمارے پیسے دینے ہیں، جو ہمارا حق ہے۔
خیبر پختونخوا میں عوام کے مسائل حل کر رہے ہیں، وفاق نے پیسے دینے ہیں، یہ خیبرپختونخوا کا حق ہے۔عوام نے انہیں ووٹ نہیں دیا، الیکشن میں تاریخ کی بدترین دھاندلی ہوئی، پی ٹی آئی کی 180 سیٹیں چوری ہوئیں، عوام کی سپورٹ حکومت کے ساتھ نہیں ہے یہ کیا ڈیلیور کریں گے۔ ملک کے ساتھ جو تجربہ کیا گیا اس نے عوام کو نقصان پہنچایا۔وفاق سے اپنا حلق لے کر رہیں گے۔
