لاہور: (نیوز ڈیسک) پنجاب کی 18 رکنی کابینہ نے حلف اٹھا لیا، گورنر پنجاب بلیغ الرحمان نے صوبائی وزرا سے حلف لیا۔ مریم اورنگزیب نے سینئر صوبائی وزیر کا حلف اٹھایا، وزیراعلیٰ مریم نواز نے حلف اٹھانے والے وزراء کو مبارکباد دی، وزیراعلیٰ نے نئی کابینہ کے ارکان کیلئے نیک تمناؤں کا اظہار کیا۔
وزیراعلیٰ نے کہا کہ پنجاب کی نئی کابینہ سے عوام کو بہت توقعات ہیں، انشاء اللہ عوامی امیدوں پر پورا اتریں گے، میں اور میری ٹیم آج کے دن سے عوام کی خدمت کا عہد کرتے ہیں۔
حلف اٹھانے والے نئے وزراء
پنجاب کابینہ کے نئے وزرا میں مریم اورنگزیب، عظمیٰ بخاری، عاشق حسین شاہ، کاظم پیرزادہ، رانا سکندر حیات، ذیشان رفیق، بلال اکبر خان، صہیب احمد ملک، رمیش سنگھ اروڑہ، فیصل ایوب، شافع حسین، سہیل شوکت بٹ شامل ہیں۔
پرانی کابینہ میں شامل وزراء
کابینہ میں شامل پرانے وزرا میں خواجہ عمران نذیر، خواجہ سلمان رفیق، بلال یاسین، خلیل طاہر سندھو، سردار شیر علی گورچانی، مجتبیٰ شجاع الرحمان، رانا مشہود، رانا اقبال، ملک ندیم کامران، سردار ایوب، شیخ علاؤالدین، میاں یاور زمان، ڈاکٹر فرخ جاوید، ذکیہ شاہنواز خان، منشا اللہ بٹ، ملک اسد کھوکھر شامل ہیں۔
