حکومت میں آکر اشرافیہ کی 1500ارب کی سبسڈی ختم کر ینگے، جو بھی الیکشن جیتے وہ سیاست نہ کرے،اپوزیشن حکومت چلنے دے، پیپلزپارٹی کا انتخابی منشور ماہرین کے ساتھ مل کر خود تیار کیا،چیئرمین پیپلزپارٹی کی شہید ذوالفقار علی بھٹو انسٹی ٹیوٹ آف سائنس اینڈ ٹیکنالوجی میں طلباءکےساتھ خصوصی نشست کے موقع پر گفتگو
اسلام آباد: (نیوز ڈیسک) پاکستان پیپلز پارٹی کے چیئرمین و سابق وزیر خارجہ بلاول بھٹو زرداری نے کہا ہے کہ اسلام آباد کی حکومتی مشینری پر زیادہ تر مافیا کا قبضہ ہے۔
طلبہ سے مکالمہ کرتے ہوئے چیئرمین پیپلز پارٹی بلاول بھٹو زرداری نے کہا کہ پیپلز پارٹی نے اپنا منشور تیار کیا، پیپلز پارٹی کے منشور میں میرا عوامی معاہدہ ہے۔
انہوں نے کہا کہ معاشی بحران اور موسمیاتی تبدیلی سے پاکستان خطرے میں ہے، پوری دنیا کے ساتھ مل کر موسمیاتی تبدیلی پر کام کریں گے۔
بلاول بھٹو نے کہا کہ ملک جس معاشی بحران سے گزر رہا ہے وہ سب کے سامنے ہے، اشرافیہ کی تمام سبسڈی کو ختم کریں گے، اشرافیہ کو ملنے والی رقوم عام عوام پر خرچ کریں گے۔
انہوں نے کہا کہ عوام کیلئے گرین جابز کے مواقع پیدا کر سکتے ہیں، مشکل وقت میں چیلنجز زیادہ ہیں لیکن ہم ان سے نمٹ لیں گے۔
