تحریکِ انصاف کے وکیل نعیم پنجوتھا نے کہا ہے کہ چیئرمین پی ٹی آئی کی ہدایت پر لطیف کھوسہ نے میڈیا کو بیان دیا۔
نعیم پنجوتھا نے ’جیو نیوز‘ سے گفتگو کرتے ہوئے کہا کہ لطیف کھوسہ کو چیئرمین پی ٹی آئی نے چیئرمین شپ سے متعلق بیان دینے کا کہا تھا۔
انہوں نے کہا کہ چیئرمین پی ٹی آئی نے مائنس ون کے خلاف بات کی اور لطیف کھوسہ نے وہ میڈیا کو بتایا، میں علی ظفر کی پریس کانفرنس میں نہیں تھا تو نہیں کہہ سکتا کہ وہ جھوٹ بول رہے ہیں۔
نعیم پنجوتھا نے کہا کہ ساری رات سوشل میڈیا پر پروپیگنڈا ہوتا رہا، چیئرمین پی ٹی آئی کو سب اطلاعات تھیں۔
انہوں نے یہ بھی کہا کہ چیئرمین پی ٹی آئی نے صورتِ حال دیکھتے ہوئے کہا کہ باہر جاکر میڈیا کو بیان دیں۔
