کوئٹہ: (نیوز ڈیسک) سابق اراکین قومی اسمبلی اور سابق وزیراعلیٰ بلوچستان سمیت 30 سے زائد سیاسی شخصیات نے مسلم لیگ (ن) میں شمولیت کا باضابطہ اعلان کر دیا۔
کوئٹہ میں مسلم لیگ (ن) میں سیاسی شخصیات کی شمولیت کی تقریب منعقد ہوئی جس میں نواز شریف، شہباز شریف، مریم نواز، پرویز رشید اور دیگر بھی شریک تھے۔
تقریب میں مختلف جماعتوں کی 30 سے زائد سیاسی شخصیات نے ن لیگ میں شمولیت کا باضابطہ اعلان کر دیا، نئے شامل ہونے والے سیاسی رہنماؤں میں بلوچستان عوامی پارٹی، بی این پی مینگل، نیشنل پارٹی، تحریک انصاف اور پیپلزپارٹی کے سابق ممبران پارلیمان شامل ہیں۔
قومی سیاسی منظرنامے میں بڑی ہلچل
پاکستان مسلم لیگ (ن) کے قائد محمد نواز شریف کا دورہ کوئٹہ
درجنوں ممتاز سیاسی شخصیات کا مسلم لیگ (ن) میں شمولیت کا اعلان
سابق وزیر اعلی جام کمال، سابق وفاقی وزراء سردار فتح محمد حسنی، مجیب الرحمن محمد حسنی، میر عاصم کرد، میر دوستین ڈومکی مسلم… pic.twitter.com/fYxtbdliq7
— PMLN (@pmln_org) November 14, 2023
بلوچستان عوامی پارٹی کے سابق وزیراعلیٰ جام کمال، سابق وزرا میر سلیم کھوسہ، نور محمد دمڑ، ربابہ بلیدی بھی ن لیگ میں شامل ہوگئیں۔
بی اے پی کے سردار عبدالرحمٰن کھیتران، محمد خان لہڑی، سردار مسعود لونی بھی ن لیگ کا حصہ بن گئے، بی اے پی کے سابق اراکین اسمبلی اور رہنما شعیب نوشیروانی، عاصم کرد گیلو، جنگیز مری، رامین محمد حسنی، دوستین ڈومکی بھی ن لیگ میں شامل ہوگئے۔
نیشنل پارٹی کے مجیب محمد حسنی، بی این پی کی سابق رکن اسمبلی زینت شاہوانی، پی ٹی آئی کے سابق ایم این اے خان محمد جمالی بھی ن لیگ میں شامل ہوگئے۔
پی ٹی آئی کے سردار عاطف علی سنجرانی، نیشنل پارٹی کے سابق سینیٹر ڈاکٹر اشوک کمار، سابق سینیٹر پی پی پی سید الحسن مندوخیل نے بھی ن لیگ میں شمولیت اختیار کرلی جبکہ پیپلز پارٹی سے سردار فتح محمد، سلیم کھوسہ، فائق جمالی نے بھی ن لیگ میں شمولیت کا باضابطہ اعلان کر دیا۔
