دبئی میں منعقدہ ایئر شو میں پاک فضائیہ کے سپر مشاق اور جے ایف۔17 تھنڈر بلاک 3 طیاروں نے شرکت کی۔ ایئر شو 13 تا 17 نومبر جاری رہے گا۔
پاک فضائیہ کے جے ایف۔17 تھنڈر بلاک 3 طیارے کی پہلی بار بین الاقوامی ایئر شو میں نمائش کی گئی۔
پاک فضائیہ کے ترجمان کے مطابق جے ایف۔17 بلاک 3 طیارہ جدید ترین ایویانکس سے لیس ہے، جو اعلیٰ ترین ہتھیاروں اور بہترین الیکٹرونک جنگی نظام سے لیس ہے۔
دبئی ایئر شو میں پاک فضائیہ کے سپر مشاق طیارے کی نمائش بھی جاری ہے۔
پاک فضائیہ کے ترجمان کے مطابق سپر مشاق طیارہ غیر معمولی تربیتی صلاحیتوں کیلئے جانا جاتا ہے۔
