شبر بھائی جھوٹ بول رہے ہیں، معاملہ کچھ اور ہے لگتا عبوری حکومت کے لئے کوشش ہو رہی ہے

admin

شبر زیدی کے بقول 2019 میں پاکستان ڈیلفالٹ ہو گیا تھا، جبکہ پاکستان کی ڈیفالٹ ریٹنگ 2018 مسلم لیگ دور سے 2019 میں بہتر ہوئی اور پی ٹی آئی حکومت کے خاتمے تک کبھی ڈاون گریڈ نہیں ہوئی تھی، سابق چئیرمین ایف بی آر کے انٹرویو پر مزمل اسلم کا ردعمل

کراچی (نیوز ڈیسک) پی ٹی آئی کے ترجمان کے مطابق شبر بھائی جھوٹ بول رہے ہیں، معاملہ کچھ اور ہے لگتا عبوری حکومت کے لئے کوشش ہو رہی ہے۔ تفصیلات کے مطابق پاکستان تحریک انصاف کے ترجمان برائے معاشی امور مزمل اسلم کی جانب سے سابق چئیرمین ایف بی آر شبر زیدی کے الزامات پر ردعمل دیا گیا ہے۔ ٹوئٹر پر ردعمل دیتے ہوئے مزمل اسلم نے کہا کہ شبر بھائی جھوٹ بول رہے ہیں، معاملہ کچھ اور ہے لگتا عبوری حکومت کے لئے کوشش ہو رہی ہے۔
جس شخص کی دلیل کے پیچھے ثبوت نا ہو وہ جھوٹا ہوتا ہے، یا تو ان کی یاداشت کا مسئلہ ہے یا کوئی پراپیگنڈا اسکیم، شبر زیدی کے بقول 2019 میں پاکستان ڈیلفالٹ ہو گیا تھا، جبکہ پاکستان کی ڈیفالٹ ریٹنگ 2018 مسلم لیگ دور سے 2019 میں بہتر ہوئی اور پی ٹی آئی حکومت کے خاتمے تک کبھی ڈاون گریڈ نہیں ہوئی تھی۔
مزمل اسلم نے مزید کہا کہ جس دور کی یہ باتیں کر رہے ہیں اس دور میں پاکستان کی ریٹنگ بڑھنا شروع ہوگئی تھی اور ہر آنے والا دن زر مبادلہ کے زخائر میں اضافہ ہو رہا تھا۔


دوسری جانب نجی چینل کے پروگرام میں دیے گئے انٹرویو میں تحریک انصاف پر کی جانے والی تنقید سے متعلق سابق چئیرمین ایف بی آر نے وضاحت کی ہے۔ ٹوئٹر پر جاری پیغام میں شبر زیدی نے کہا کہ چند ویڈیو کلپس کی بنیاد پر رائے قائم کرنے سے گریز کیا جائے، میرا مکمل انٹرویو دیکھا جائے، میں یقینی بناوں گا کہ میرے انٹرویو کی غیر ضروری ایڈیٹنگ نہ کی جائے۔


میں برملا کہہ چکا ہوں کہ عمران خان کی معاشی پالیسی میں کوئی عیب نہیں تھا، تاہم مافیا نے چئیرمین تحریک انصاف کی معاشی پالیسی چلنے نہیں دی۔ میں نے تحریک انصاف کی حکومت میں آئی ایم ایف پروگرام شروع ہونے سے قبل عمران خان سے ملاقات میں کہا تھا کہ آئی ایم ایف کے علاوہ اور کوئی حل نہیں ہے، جس کے بعد ہی اس وقت کی حکومت آئی ایم ایف پروگرام میں گئی۔
میں اس سال دسمبر میں ہی ممکنہ ڈیفالٹ سے متعلق خبردار کر چکا تھا۔

واضح رہے کہ پی ٹی آئی دور حکومت کے سابق چیئرمین ایف بی آر شبر زیدی نے جیو نیوز کے پروگرام میں گفتگو کرتے ہوئے کہا کہ میں نے غلطی سے ملتان میں ایک بڑے زمیندار کو نوٹس دے دیا، میرے دفتر میں شاہ محمود قریشی کی قیادت میں نصراللہ دریشک سمیت 40ایم این ایز آئے،کہنے لگے ہم جنوبی پنجاب کے ایم این ایز ہیں، ہمارے بغیر حکومت نہیں چل سکتی۔
میں نے تمباکو مافیا کو ٹیکس نیٹ میں لانے کی کوشش کی، اسد قیصر نے کہا کہ ہمارے فرنٹیئر کے ایم این ایز آپ سے ملنا چاہتے ہیں، وہ سارے تمباکو کے کاشتکار ہیں،قبائلی علاقوں میں اسٹیل ری رولنگ ملزپر ہاتھ ڈالا تو فاٹا سینیٹرز نے چیئرمین پی ٹی آئی کو کہا کہ انہیں روکیں۔ خیبرپختونخواہ کے ارکان اسمبلی نے کہاکہ آپ ہمارے علاقے میں نہیں آسکتے۔
سابق چیئرمین ایف بی آر شبر زیدی نے کہا کہ اگر پی ٹی آئی حکومت چلتی رہتی تو ملک معاشی طور پر تباہ ہوجاتا، تو حکومتی مدت ختم ہونے تک ملک معاشی طور پر تباہ ہوجاتا، اگر حکومت چلتی رہتی تو الیکشن میں پارٹی کو پانچ فیصد بھی ووٹ نہیں ملتا، چیئرمین پی ٹی آئی کو معیشت سے متعلق مشورہ دیتا تھا لیکن چیئرمین پی ٹی آئی مشورہ سننے کے موڈ میں نہیں تھے، ن لیگ کے اراکین کی ٹیکس فائلیں مانگی جاتی تھیں۔
سابق وزیراعظم عمران خان کو جاکر کہا کہ آپ کی حکومت کو10ماہ ہوگئے ہیں یہ جس طرح چل رہی ہے ڈیفالٹ کی طرف جارہی ہے،جس پر سابق وزیراعظم نے وزیرخزانہ اسد عمر کو فون کیا اور کہا شبر زیدی یہ کہہ رہے ہیں؟ اسد عمر نے کہا کہ شبر زیدی ٹھیک کہہ رہے ہیں، جس پر سابق وزیراعظم نے کہا کہ تم نے مجھے بتایا نہیں؟کہتا میرا خیال تھا کہ آپ کو پتا ہے، اس کے تین چاردن بعد اسد عمر کو تبدیل کردیا گیا۔

مزید پڑھیں

پی ٹی آئی کا مرکزی قافلہ اسلام آباد کی طرف گامزن، بشریٰ بی بی…
عمران خان این آر او چاہتے ، پی ٹی آئی کا طرز سیاست ٹھیک…
تحریک انصاف کا احتجاج، ریڈ زون جانے والے تمام راستے سیل ،اہم عمارتوں پر…
سندھ کے پانی کا ایک قطرہ بھی کہیں نہیں جانے دینگے: مراد علی شاہ
9 مئی مقدمات: علیمہ و عظمیٰ خان سمیت دیگر کی ضمانتوں میں توسیع
خیبرپختونخوا: نگران دور حکومت میں ادویات کی خریداری میں خردبرد کے ہوشربا انکشافات