راولپنڈی:( نیوز ڈیسک ) سابق وزیرداخلہ و سربراہ عوامی مسلم لیگ شیخ رشید نے کہا کہ میں نے کہاتھا یکم مئی سے 20 جون حکومت کے لیے اہم ہیں۔ سابق وزیرداخلہ شیخ رشید نے انسداد دہشت گردی عدالت میں پیشی کے موقع پر میڈیا سے گفتگو کرتے ہوئے کہا کہ کشمیر میں جو ہوا اس سے کشمیریوں کو بہت دکھ پہنچا ہے ، ہم مقبوضہ کشمیر کا کیس لڑ رہے تھے اور ہمیں اپنا کیس لڑنا پڑ گیا ۔
انہوں نے کہا کہ کل جو لوگ راولپنڈی سے گرفتار کیے گئے میری درخواست ہے ان کو چھوڑ دیا جائے ، رات جو کشمیریوں کو گھروں سے پکڑا گیا یہ بڑی زیادتی ہے حالت ان کی یہ ہے کہ کھاریاں میں یہ خواجہ سراؤں سے مار کھاتے ہیں ، میں باہر گیا تھا تو ساری دنیا میں ان خواجہ سراؤں کا چرچا ہے ہمارے تو یہ گھروں میں داخل ہوئے تھے اور پیسے، زیور اور بچے لے گئے ۔
شیخ رشید نے مزید کہا کہ ہم خاموش ہیں کیونکہ کہ ہماری 30 جون تک بریک ہے ، اس بریک میں ہم سمجھتے ہیں کہ ان کو صحیح مشورہ دیں صحیح مشورہ یہ ہے کہ کشمیریوں کو چھوڑ دیں، بھارت اس کا خوب فائدہ اٹھا رہا ہے۔
سابق وفاقی وزیر نے کہاکہ جن لوگوں نے غیر قانونی اقدام اٹھایا ہے حکومت کو اس کا بھی فوری نوٹس لینا چاہیے ، 190 ملین پاؤنڈ ریفرنس میں مجھے بلایا گیا تو ضرور جاؤں گا ، نیب ٹیم نے ہائی کورٹ راولپنڈی بنچ میں یہ بیان دیا کہ شیخ رشید ہمیں مطلوب نہیں۔
