کراچی: ( نیوز ڈیسک ) پاکستان تحریک انصاف نے لیگی رہنما و سابق وفاقی وزیر داخلہ رانا ثناء اللہ کیخلاف اندراج مقدمہ کی ایک اور درخواست دائر کر دی۔
ڈسٹرکٹ ایند سیشن کورٹ ملیر میں رانا ثناء اللہ کے خلاف مقدمہ درج کرانے کیلئے درخواست پی ٹی آئی لائرز فورم سندھ کے نائب صدر خالد محمود ایڈووکیٹ نے دائر کی، درخواست میں ایس ایس پی ملیر اور ایس ایچ او ملیر کو فریق بنایا گیا ہے۔
درخواست میں مؤقف اپنایا گیا ہے کہ کئی چینلز اور سوشل میڈیا پر رانا ثناء اللہ کا انٹرویو سنا، لیگی رہنما نے بانی پی ٹی آئی کو ختم کرنے کی دھمکی دی۔درخواست گزار خالد محمود ایڈووکیٹ کی جانب سے استدعا کی گئی ہے کہ ملیر سٹی پولیس کو ہدایت کی جائے کہ رانا ثناء اللہ کے خلاف مقدمہ درج کیا جائے۔
یاد رہے کہ اس سے قبل پی ٹی آئی کے ظہور محسود کی رانا ثناء اللہ کے خلاف اندراج مقدمہ کی درخواست مسترد ہو چکی ہے۔
