پی ٹی آئی کے سینئر رہنما حامد خان نے کہا ہے کہ پارٹی چیئرمین شپ کے لیے مجھے کہا گیا تھا، لیکن میں نے منع کر دیا۔
’جیو نیوز‘ سے گفتگو کرتے ہوئے حامد خان نے کہا کہ میں نے واضح کیا کہ چیئرمین کا عہدہ کسی نوجوان کو دیا جائے جو بھاگ دوڑ کر سکے۔
انہوں نے دورانِ گفتگو کہا کہ الیکشن کمیشن شفاف انتخابات کرانا چاہتا ہے تو پہلا امتحان انتخابی نشان کا ہے، اگر الیکشن کمیشن بلے کے انتخابی نشان سے محروم کرتا ہے تو یہ شفاف انتخابات نہیں ہوں گے۔
حامد خان نے پارٹی ٹکٹوں کے حوالے سے پوچھے گئے سوال کا جواب دیتے ہوئے بتایا کہ پارٹی ٹکٹوں کے لیے وکلاء نے قربانی دی، انہیں ٹکٹ دیں گے۔
انہوں نے یہ بھی کہا کہ زیادتی برداشت کرنے والے اور مشکل صورتِ حال سے دو چار پرانے ورکرز کو بھی ٹکٹ دیے جائیں گے۔
