اسلام آباد (مانیٹرنگ ڈیسک )دنیا بھرمیں کل سے رمضان المبارک کا آغاز ہورہا ہے، اس ماہ مبارک میں دین کی طرف سبھی مسلمان مائل ہو جاتے ہیں اور کوشش کرتے ہیں کہ دین کے رنگ میں رنگ جائیں۔ رواں سال دنیا کا طویل ترین روزہ فن لینڈ وہ ملک ہوگا جہاں روزہ داروں کو 23 گھنٹے 5 منٹ کا روزہ رکھنا پڑے گا ، پھر سویڈن ، ناروے اور روس میں 20 گھنٹے 45 منٹ کاروزہ ہو گا۔اس کے بعد گرین لینڈ کے شہر نوک میں 19گھنٹے 57سیکنڈ کا ہوگا اور سب سے مختصر روزہ نیوزی لینڈ کے شہر کرائسٹ
چرچ میں 11گھنٹے 20منٹ کا ہوگا جبکہ آئس لینڈ کے دارالحکومت ریکجوک میں روزہ 19گھنٹے 56منٹ طویل ہوگا۔ پاکستان میں روزے کا دورانیہ 14گھنٹوں سے زائد ہو گا ۔ اس طرح ہرملک میں سحروافطار کے وقت میں تبدیلی ہوتی ہے اور روزے داراپنے مقامی وقت کے مطابق سحری وافطاری کا اہتمام کرتے ہیں۔ رمضان المبارک کے مقدس مہینے میں مسجدوں میں حاضری بڑھ جاتی ہے، سجدے طویل اور صدقہ و خیرات عام ہوجاتے ہیں، گھر گھر سے تلاوتِ کلام پاک کی صدائیں بلند ہوتی ہیں، لوگ خود اپنے لئے ہی افطار و سحر کا اہتمام کرتے نظر نہیں آتے بلکہ ان کی کوشش ہوتی ہے کہ دوسروں کو بھی یہ نعمتیں بہم پہنچائیں۔ راستے میں جگہ جگہ لوگ دوڑ دوڑ کر افطار کراتے بھی نظر آتے ہیں۔ دن مقدس اور راتیں نورانی ہوجاتی ہیں۔
