اسلام آباد ( مانیٹرنگ ڈیسک /این این آئی)قومی ٹیم کے سابق کپتان محمد حفیظ بڑا اعزاز اپنے نام کرنے کیلئے پر امید ہو گئے ۔ تفصیلات کے مطابق اگر انہیں جنوبی افریقہ کیخلاف ٹی ٹوئنٹی سریز میں شامل کیا جاتا ہے توہ اپنے 100میچز مکمل کرنے میں کامیاب ہو جائیں گے جبکہ اس سے قبل یہ اعزاز پاکستانی کھلاڑی شعیب ملک کے پاس ہے ۔ انہیں شعیب ملک کا ریکارڈ توڑنے کیلئےصرف تیرہ رنز درکار ہیں ۔ دوسری جانب پی سی بی پوڈکاسٹ کی 31ویں قسط میں قومی کرکٹر شعیب ملک نے محمد حفیظ کیلئے نیک تمناؤں کا اظہار کیا
ہے ۔ اپنے بیان میں انہوںنے کہاکہ دعاگو ہوں کہ محمد حفیظ کل ٹی ٹونٹی فارمیٹ میں انٹرنیشنل میچز کی سنچری مکمل کرلیں، خواہش ہے کہ وہ اپنے 100ویں ٹی ٹونٹی میچ میں مین آف دی میچ بنیں۔ انہوںنے کہاکہ محمد حفیظ کریز پر موجود ہوں تو دوسرے اینڈ سے بیٹنگ کرنا آسان ہوجاتا ہے۔ انہوںنے کہاکہ گزشتہ برس انگلینڈ کے خلاف محمد حفیظ کی دونوں اننگز میرے لیے یادگار ہیں، محمد حفیظ کی کارکردگی میں دن بدن نکھار آرہا ہے ۔ قبل ازیں قومی کرکٹ ٹیم کے سینئر آل راؤنڈر محمد حفیظ نے شاہین شاہ کی صورت میں ایک نیا گولف پارٹنر ملنے پر خوشی کا اظہار کیا ہے ۔محمد حفیظ نے ٹوئٹر پر شاہین شاہ آفریدی کی گولف کھیلتے ویڈیو شیئر کرتے ہوئے لکھا کہ میرے نئے گولف پارٹنر شاہین شاہ آفریدی کو گولف کی دنیا میں خوش آمدید۔شاہین شاہ نے محمد حفیظ کے ٹوئٹ پر ردعمل دیتے ہوئے کہا کہ حفیظ بھائی کے ساتھ گولف سیشن سے لطف اندوز ہوا۔شاہین شاہ نے لکھا کہ انہوں نے گولف سے زیادہ محمد حفیظ کی کمنٹری کو انجوائے کیا۔
