اسلام آباد: (نیوز ڈیسک) عسکری اداروں کیخلاف بیان دینے کے مقدمے میں پیشی کیلئے چیئرمین پاکستان تحریک انصاف عمران خان آج اسلام آباد روانہ ہوگئے۔ اسلام آباد ہائی کورٹ میں عمران خان کی طرف سے ضمانت کی درخواست دائر کی جائے گی، درخواست کو آج ہی سماعت کیلئے مقرر کرنے کی استدعا کی جائے گی۔
عدالت میں پیشی کے لئے عمران خان آج صبح 7 بج کر 40 منٹ پر زمان پارک لاہور سے اسلام آباد کے لئے روانہ ہوئے جبکہ کارکنوں کی بڑی تعداد قافلے کے ساتھ موجود ہے۔
عمران خان کا قافلہ زمان پارک سے اسلام آباد کے لئے روانہ۔۔۔ pic.twitter.com/Gy30ucWEMf
— PTI (@PTIofficial) April 28, 2023
اسلام آباد کیپیٹل پولیس عمران خان کی عدالتوں میں پیشی کے دوران موثر سکیورٹی اقدامات کرے گی۔
ایف آئی آر قانون کے مطابق درج کی جاتی ہیں جن کا فیصلہ عدالتیں کرتی ہیں۔
قانون کی نظر میں سب برابر ہیں اور کسی کو کوئی امتیازی حیثیت حاصل نہیں۔
عمران خان اور ان کے ساتھیوں سے امید کی…
— Islamabad Police (@ICT_Police) April 27, 2023
یاد رہے کہ عسکری اداروں کیخلاف بات کرنے پر عمران خان کیخلاف 7 اپریل کو مقدمہ مجسٹریٹ منظور احمد کی مدعیت میں تھانہ رمنا میں درج کیا گیا تھا، لاہور ہائیکورٹ نے اسی مقدمے میں چیئرمین پی ٹی آئی عمران خان کی 26 اپریل تک حفاظتی ضمانت منظور کی تھی۔
دوسری جانب دوسری جانب سابق وزیر اعظم عمران خان کی پیشی پر کیپٹل پولیس کا ٹریفک پلان جاری کر دیا گیا جس کے مطابق جی ٹین پروجیکٹ موڑ اور عون محمد رضوی روڈ پر ڈائیورشن ہوگی، شہریوں کو متبادل راستوں کا انتخاب کرنے کی ہدایت کی گئی ہے۔
عمران خان کی اسلام آباد ہائی کورٹ پیشی۔
امن و عامہ کے پیش نظر جی ٹین پراجیکٹ موڑ اور عون محمد رضوی روڈ پر ڈائیورشن ہوگی۔
شہری دوران سفر متبادل راستوں کا انتخاب کریں۔
سڑکوں تازہ ترین صورتحال جاننے کے لیے پکار 15 پر کال کریں۔#ICTP #TrafficUpdates
— Islamabad Police (@ICT_Police) April 27, 2023
ترجمان پولیس کا کہنا ہے کہ اسلام آباد پولیس عمران خان کی پیشی پر موثر سکیورٹی اقدامات کرے گی، امید ہے پیشی کے دوران عمران خان اور ان کے ساتھی قانون کا احترام کریں گے۔
اسلام آباد کیپیٹل پولیس عمران خان کی عدالتوں میں پیشی کے دوران موثر سکیورٹی اقدامات کرے گی۔
ایف آئی آر قانون کے مطابق درج کی جاتی ہیں جن کا فیصلہ عدالتیں کرتی ہیں۔
قانون کی نظر میں سب برابر ہیں اور کسی کو کوئی امتیازی حیثیت حاصل نہیں۔
عمران خان اور ان کے ساتھیوں سے امید کی…
— Islamabad Police (@ICT_Police) April 27, 2023
ترجمان پولیس نے کہا کہ مقدمات قانون کے مطابق بنے فیصلے عدالتوں نے کرنے ہیں، مقدمات کی نظر میں سب برابر ہیں، کسی کو امتیازی حیثیت حاصل نہیں۔