کابینہ میں بھارت سے تجارت پر فیصلہ آج ہوگا، شیریں مزاری

وفاقی وزیر شیریں مزاری کا کہنا ہے کہ آج کابینہ میں بھارت سےتجارت سمیت ای سی سی کے فیصلوں پربحث ہوگی جس کے بعد بھارت سےتجارت اور دیگرمعاملات پر فیصلہ کیاجائےگا۔

شیریں مزاری نے بتایا کہ کابینہ کی منظوری کے بعد ہی فیصلوں کو حکومت کی منظوری کا درجہ ملتا ہے۔

واضح رہے کہ وفاقی وزیر خزانہ حماد اظہر نے وزیر خزانہ کا منصب سنبھالنے کے بعد گزشتہ روز اپنی پہلی پریس کانفرنس میں بتایا کہ حکومت نے بھارت سے چینی اور کپاس کی درآمد فیصلہ کیا ہے۔

ان کا کہنا تھا کہ اس سال بھارت میں چینی پاکستان کے مقابلے میں 15 سے 20 فیصد سستی ہے، نجی شعبہ بھارت سے 5 لاکھ میٹرک ٹن چینی درآمد کرسکے گا، ہندوستان سے تجارت کے نتیجے میں عوام اور چھوٹی صنعتوں کو فائدہ ہوگا۔

یہ بات قابل ذکر ہے کہ بھارت سے 19 ماہ بعد پاکستان کی تجارت بحال ہونے جارہی ہے۔

اپنا تبصرہ بھیجیں