مفتاح اسماعیل اور مصطفیٰ نواز کھوکھر بھی پی ٹی آئی کارکن علی بلال پر ہونے والے ظلم کے خلاف بول پڑے

علی بلال کی زندگی کے آخری چند منٹوں کا تصور نہیں کر سکتا،وہ دن دیکھنا چاہتا ہوں جب کوئی سیاسی کارکن پولیس کی حراست میں نہ مارا جائے،کارکن کی اس موت کا مطلب ہےکہ ہمارا نظام ناکام ہو چکا ہے۔مفتاح اسماعیل

سابق سینیٹر مصطفیٰ نواز کھوکھر نے بھی تحریک انصاف کے کارکن علی بلال کی ہلاکت کی مذمت کرتے ہوئے کہا کہ اس عمل کے بعد نگران حکومت کے غیر جانبدار ہونے پر اور شفاف الیکشن کرانے پر بھی سوال اُٹھاتا ہے

اسلام آباد (نیوز ڈیسک) سابق وزیر خزانہ مفتاح اسماعیل نے مبینہ طور پر پولیس کے تشدد سے جاں بحق پی ٹی آئی کارکن کی ہلاکت کی مذمت کی ہے۔انہوں نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ میں وہ دن دیکھنا چاہتا ہوں جب کوئی سیاسی کارکن پولیس کی حراست میں نہ مارا جائے۔تحریک انصاف کے کارکن کی پولیس حراست میں موت کا مطلب ہے کہ ہمارا نظام ناکام ہو چکا ہے اور ہم بھی ناکام ہو چکے ہیں۔
مفتاح اسماعیل نے مزید کہا کہ میں اس کے آخری چند منٹوں کا تصور نہیں کر سکتا۔ ہمیں شرمندہ ہونا چاہیے۔مفتاح اسماعیل نے پی ٹی آئی کارکن علی بلال کے اہلخانہ کے لیے خصوصی پیغام میں کہ کہ آپ میری دعاؤں میں ہیں۔

I want to see the day when no political worker is killed in police custody. The death of a PTI worker in custody means our system has failed and we have failed. I can’t imagine his last few minutes. We should be embarrassed.

Ali Babar and his family are in my thoughts & prayers https://t.co/ytejsbjwwI

— Miftah Ismail (@MiftahIsmail) March 10, 2023

جبکہ سابق سینیٹر مصطفیٰ نواز کھوکھر نے بھی تحریک انصاف کے کارکن علی بلال کی ہلاکت کی مذمت کرتے ہوئے کہا کہ اس عمل کے بعد نگران حکومت کے غیر جانبدار ہونے پر اور شفاف الیکشن کرانے پر بھی سوال اُٹھاتا ہے۔
پاکستان پیپلز پارٹی کے سینئر رہنما مصطفیٰ نواز کھوکھر نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ شواہد کی روشنی میں اِس بات کا قوی امکان ہے کہ تحریک انصاف کے کارکن علی بلال کی ہلاکت دورانِ حراست پولیس تشدد سے ہوئی۔ سیاسی ورکر چاہے کسی بھی جماعت سے ہو، یہ عمل سوائے بربریت کے کچھ نہیں۔مصطفیٰ نواز کھوکھر نے مزید کہا کہ یہ عمل نگران حکومت کے غیر جانبدار ہونے پر اور شفاف الیکشن کرانے پر بھی سوال اُٹھاتا ہے۔

شواہد کی روشنی میں اِس بات کا قوی امکان ہے کہ تحریک انصاف کے کارکن علی بلال کی ہلاکت دورانِ حراست پولیس تشدد سے ہوئی۔ سیاسی ورکر چاہے کسی بھی جماعت سے ہو، یہ عمل سوائے بربریت کے کچھ نہیں۔ یہ عمل نگران حکومت کے غیر جانبدار ہونے پر اور شفاف الیکشن کرانے پر بھی سوال اُٹھاتا ہے۔

— Mustafa Nawaz Khokhar (@mustafa_nawazk) March 9, 2023

خیال رہے کہ 8مارچ کو پولیس نے تحریک انصاف کی ریلی میں شرکت کیلئے مال روڈ پر آنے والے متعدد پی ٹی آئی کارکنوں کو گرفتار کر لیا تھا۔مبینہ طور پر پولیس کے تشدد سے علی بلال نامی کارکن جاں بحق ہو گیا تھا۔