دبئی: (سپورٹس ویب ڈیسک) پاکستانی ٹیم کے کپتان بابر اعظم مسلسل دوسری مرتبہ آئی سی سی ون ڈے کرکٹر آف دی قرار پائے ہیں۔ آئی سی سی نے ون ڈے کرکٹر آف دی ایئر کا اعلان کیا ہے جس میں پاکستان کے دائیں ہاتھ سے کھیلنے والے سٹائلش بیٹر بابر اعظم کو ون ڈے کرکٹر آف دی ایئر قرار دیا گیا ہے۔
بابر اعظم نے 2022 میں 9 ایک روزہ میچز میں 84 اعشاریہ 87 کی اوسط سے 679 رنز سکور کیے جس میں 3 سنچریاں اور 5 نصف سنچریاں بھی شامل تھیں۔ پاکستان کرکٹ بورڈ نے بھی سوشل میڈیا پر بابر اعظم کو ون ڈے کرکٹر آف دی ایئر بننے پر مبارکباد دی۔
Babar Azam is the ICC Men's ODI Cricketer of the Year for the second year in a row ✨#ICCAwards pic.twitter.com/JcTIEtwwPe
— Pakistan Cricket (@TheRealPCB) January 26, 2023
گزشتہ روز ہی آئی سی سی نے ون ڈے پلیئرز رینکنگ جاری کی تھی جس میں بابر اعظم پہلے نمبر پر موجود تھے۔ یاد رہے کہ گزشتہ روز آئی سی سی نے ٹی 20 کرکٹرز آف دی ایئر کا اعلان بھی کیا تھا، بھارت کے سوریا کمار یادیو مینز ٹی 20 کرکٹر آف دی ایئر قرار پائے تھے جبکہ ویمنز ٹی 20 کرکٹر آف دی ایئر کا اعزاز آسٹریلیا کی تاہلیا میک گرا کے نام رہا تھا۔