پشاور: (نیوز ڈیسک) سینئر قانون دان لطیف آفریدی کی نمازجنازہ حیات آباد باغ ناران میں ادا کر دی گئی ہے جس میں وکلاء کی بڑی تعداد نے شرکت کی۔ لطیف آفریدی کی نماز جنازہ میں سی سی پی او، اے این پی رہنماء میاں افتخارحسین سمیت مختلف مکاتب فکر کے افراد بھی شریک ہوئے۔
یاد رہے کہ معروف قانون دان لطیف آفریدی گزشتہ روز قاتلانہ حملے میں جاں بحق ہوئے تھے، لطیف آفریدی پر پشاورہائیکورٹ بار روم کے اندر فائرنگ کی گئی تھی، جبکہ فائرنگ کرنے والے ملزم عدنان آفریدی کو پولیس نے موقع پر ہی گرفتار کر لیا تھا۔
