اسرائیل کی جانب سے آئرن ڈوم ائیر ڈیفنس سسٹم کے کامیاب بحری تجربے کا دعویٰ

اسرائیل نے آئرن ڈوم ائیر ڈیفنس سسٹم کے کامیاب بحری تجربات کرنے کا اعلان کیا ہے۔

اسرائیلی وزارت دفاع کی جانب سے جاری کردہ تحریری بیان کے مطابق اسرائیلی بحریہ کے سار ۔ 6 ،میگن کلاس کورویٹ جنگی بحری جہاز سے کی گئی براہ راست فائرنگ سے آئرن ڈوم کے جدید بحری ورژن سی ۔ ڈوم سسٹم کا کامیاب تجرباتی سلسلہ مکمل کر لیا گیا ہے۔
1/4 Israel has successfully completed the first series of live-fire tests of the ‘C-Dome’—an advanced naval configuration of the Iron Dome Aerial Defense System—aboard the Israeli Navy Ship Sa’ar 6 ‘Magen’ Class Corvette. pic.twitter.com/iIUdIFo4mX
— Israel Defense Forces (@IDF) February 21, 2022

اسرائیل کی وزارت دفاع کے بیان میں کہا گیا ہے کہ راکٹوں، میزائلوں اور ڈرون طیاروں جیسے خطرات کے مقابلے کے مقصد سے اسرائیلی وزارتِ دفاع کے شعبہ دفاعی تحقیق و ترقی کے ماتحت ادارے اسرائیل میزائل دفاعی آرگنائزیشن کے تیار کردہ آئرن ڈوم کے بحری ورژن سی۔ ڈوم کے تجربات میں اسرائیلی ساختہ ایرو۔ 3 اور ڈیوڈز سِلنگ میزائل سسٹمز کا استعمال کیا گیا۔

واضح رہے کہ اسرائیل نے 2017ء میں سی ۔ ڈوم کو فعال کرنے کا اعلان کیا تھا۔