پاکستان ٹیلی ویژن نیٹ ورک پر گ6 فروری کی شب شہرہ آفاق ترک سیریز ‘ارطغرل غازی’ کے پانچویں سیزن کی آخری قسط نشر کی گئی ۔
اسلام آباد(شوبز ڈیسک) سال 2020 کے ماہ رمضان سے معروف ترک ڈرامے ‘ارطغرل غازی’ کو اردو زبان میں نشر کرنا شروع کیا تھا جس نے مقبولیت کے نئے ریکارڈز قائم کیے اس ڈرامے کے 5 سیزن دکھائے گئے تاہم گزشتہ روز یہ ڈرامہ اختتام پذیر ہوگیا۔
اس ڈرامے کے اختتام کے بعد پی ٹی وی کی جانب سے ایک پوسٹ میں بتایا گیا کہ 9 فروری سے پایہ تخت سلطان عبدالحمید کو نشر کیا جائے گا، یہ ڈرامہ ہر بدھ سے اتوار کو رات 7 بج کر 55 منٹ پر نشر ہوگا۔
ترکش ریڈیو ٹیلی ویژن (ٹی آرٹی) نے یہ ڈرامہ 2017 میں نشر کرنا شروع کیا تھا جس کے 5 سیزن بنائے گئے اور اس کا اختتام 2021 میں ہوا۔
یہ ڈرامہ عثمانی سلطنت کے سلطان عبدالحمید دوئم کی زندگی پر مبنی ہے جو 1876 سے 1909 تک اس ریاست کے سلطان رہے تھے، انہیں عثمانی سلطنت کا آخری بااختیار سلطان بھی مانا جاتا ہے۔
ڈرامے میں ان کے عہد کے آخری 13 برسوں کی کہانی بیان کی گئی ہے، سیریز میں یورپی ممالک اور یہودیوں کی سازشوں کو دکھایا گیا ہے۔
