حوثی ملیشیا کے اس طرح کے معاندانہ حملوں کو روکنے کے لیے بروقت اقدامات کیے جارہے ہیں،بیان
ریاض(انٹرنیشنل ڈیسک) سعودی عرب کے فضائی دفاعی نظام نے ہفتے کے روز ابھا کے بین الاقوامی ہوائی اڈے کی سمت داغے گئے حوثی ملیشیا کے ڈرون کو مارگرایا ۔
میڈیارپورٹس کے مطابق عرب اتحاد نے ٹویٹر پر اس حملے کی اطلاع دی اورکہا کہ حوثی ملیشیا کے اس طرح کے معاندانہ حملوں کو روکنے کے لیے بروقت اقدامات کیے جارہے ہیں۔اس نے کہا کہ شہریوں کے تحفظ کیلیے خطرے کے ذرائع سے نمٹاجارہا ہے۔
