پی ایس ایل کی جنرل کونسل کا چوبیسواں اجلاس

لاہور (حالات اسپورٹس ڈیسک) پاکستان سپر لیگ کی جنرل کونسل کا چوبیسواں اجلاس جمعے کی سہ پہر کو منعقد ہوا۔اجلاس کی صدارات چیئرمین پی سی بی رمیز راجہ نے کی۔
اس موقع پر چیئرمین پی سی بی نے پاکستان کرکٹ کی ترقی اور اس کے فروغ میں اہم حصہ ڈالنے پر فرنچائزز کے کردار کو سراہا ہے۔
انہوں نے فرنچائز مالکان کو یقین دلایا ہے کہ وہ پی ایس ایل کے برانڈکو تقویت بخشنے ، مزید مضبوط اور مستحکم بنانے کے لیے پرعزم ہیں۔
رمیز راجہ نے ٹیم مالکان کویہ یقین بھی دلایا ہے کہ وہ انہیں درپیش چیلنجز کو سمجھتے ہیں اوروہ اس سلسلے میں ان کے ساتھ مل کرکام کریں گے۔
پی ایس ایل کا آئندہ اجلاس 27 ستمبر بروز پیرکو منعقد ہوگا۔