نئی دہلی (حالات میڈیا ڈسک ) بھارت نے اپنے شہریوں کو فوری طور پر افغانستان چھوڑنے کا حکم دے دیا ، مزارشریف میں قونصل خانہ بھی بند کرنے کا اعلان کردیا۔ بھارتی میڈیا کے مطابق بھارت افغانستان کے شہر مزار شریف میں اپنا قونصل خانہ عارضی طور پر بند کر رہا ہے اور وہاں تعینات اپنے تمام سفارتکاروں اور سکیورٹی حکام اور دیگر بھارتی شہریوں کو نکال رہا ہے ، اس حوالے سے سرکاری ذرائع کا حوالہ دیتے ہوئے بتایا گیا کہ مزار شریف میں حالات اتنے اچھے نہیں ہیں ، اس لیے قونصل خانے کو عارضی طور پر بند کیا جا رہا ہے اور وہاں تعینات تمام سفارت کاروں اور سکیورٹی حکام کو ایک خصوصی پرواز کے ذریعے واپس لایا جا رہا ہے۔علاوہ ازیں بھارت نے افغانستان میں موجود اپنے شہریوں کو فوری طور پر ملک چھوڑنے کا بھی حکم دیا ہے، کابل میں بھارتی سفارت خانے کی ٹریول ایڈوائزری میں کہا گیا ہے کہ افغانستان کے مختلف علاقوں میں تشدد میں اضافہ ہو رہا ہے جس کے باعث کمرشل پروازیں بند ہو رہی ہیں اس لیے تمام بھارتی شہری پروازیں بند ہونے سے پہلے سفر کا انتظام کریں۔افغانستان میں کام کرنے والی بھارتی کمپنیوں کو ہدایت کی جاتی ہے کہ وہ فلائٹس بند ہونے سے پہلے فوری طور اپنے بھارتی ملازمین کو کام سے ہٹا دیں ، افغانی یا دیگر غیر ملکی کمپنیوں میں کام کرنے والے شہری بھی فوری طور پر اپنے مالکان کو بھارت کے سفر کا کہہ دیں اس کے لیے بھارتی سفارت خانے سے بھی رابطہ کیا جا سکتا ہے۔بھارتی سفارتخانے کی جانب سے جاری کردہ سکیورٹی ایڈوائزری کے مطابق تمام بھارتی شہریوں کو ہدایت کی گئی ہے کہ وہ ای میل کے ذریعے یا افغان دارالحکومت کابل میں موجود بھارتی سفارتخانے کی ویب سائٹ پر خود کو رجسٹر کروائیں اس کے ساتھ ساتھ افغانستان میں کام کرنے والے میڈیا کے افراد کو بھی سفارت خانے سے بریفنگ لینے کا کہا گیا ہے۔
کانچ یا پلاسٹک، بچوں کی صحت کیلئے کونسی فیڈر بہتر؟
شوبز میں صرف خوبصورت چہرے کے ساتھ کامیابی حاصل کرنا ممکن نہیں ‘ صباء قمر
اداکار نہ ہوتا تو بریانی کی دکان چلا رہا ہوتا،فہد مصطفی
7 روزہ انسدادِ پولیو مہم 9 ستمبر سے شروع ہو گی
سیلینا گومز ارب پتی افراد کی فہرست میں شامل
قومی کرکٹر محمد حارث رشتہ ازدواج میں منسلک
کلکتہ ڈاکٹر زیادتی کیس میں کتنے لوگ ملوث تھے؟ سی بی آئی نے تحقیقات میں تصدیق کردی
بجلی مزید مہنگی کرنے کی منظوری دے دی گئی
ملک بھر میں آج یوم فضائیہ جوش و جذبے سے منایا جا رہا ہے
عوام یقین رکھیں دہشتگردی کا سر مکمل طور پر کچلنے تک چین سے نہیں بیٹھیں گے