اسلام آباد: (نیوز ڈیسک) حکومت نے ملک بھر میں پٹرولیم مصنوعات کی قیمتوں کا اعلان کر دیا۔ پٹرول کی فی لٹر قیمت 272 جبکہ ہائی سپیڈ ڈیزل 293 روپے فی لٹر برقرار رہے گا، وفاقی وزیر خزانہ اسحاق ڈار نے کہا کہ مٹی کے تیل اور لائٹ ڈیزل آئل کی فی لٹر قیمت میں 10 روپے کمی کی گئی۔
وفاقی وزیر خزانہ اسحاق ڈار نے کہا کہ دیگر پٹرولیم مصنوعات کی قیمتوں میں کوئی تبدیلی نہیں کر رہے، موجودہ قیمتیں 15 اپریل تک جاری رہیں گی۔
The Government has decided to keep the existing prices of MS(Petrol) and High Speed Diesel unchanged and decrease Rs.10/- in the prices of Kerosene Oil and Light Diesel Oil, from 1st April,2023 to 15th April, 2023. pic.twitter.com/SYPy6uk2Jt
— Ministry of Finance, Government of Pakistan (@Financegovpk) March 31, 2023
واضح رہے کہ اوگرا کی جانب سے پٹرول کی قیمت میں 10 سے 12 روپے فی لٹر جبکہ ڈیزل کی قیمت میں 10 سے 15 روپے فی لٹر تک کمی کی تجویز دی گئی تھی جبکہ لائٹ ڈیزل آئل کی قیمت میں 15 روپے فی لٹر تک کمی کی سفارش کی گئی ہے۔
اوگرا نے دوسری تجویز دیتے ہوئے کہا تھا کہ بجٹ خسارہ پورا کرنے کیلئے پٹرولیم مصنوعات کی قیمتیں برقرار بھی رکھی جا سکتی ہیں۔
پٹرولیم مصنوعات کی نئی قیمتیں
پٹرول: 272 روپے فی لٹر
ہائی سپیڈ ڈیزل: 293 روپے فی لٹر
مٹی کا تیل پرانی قیمت 190 روپے 29 پیسے، نئی قیمت 180 روپے 29 پیسے
لائٹ ڈیزل: پرانی قیمت 184 روپے 68 پیسے، نئی قیمت 174 روپے 68 پیسے