اسلام آباد (سپورٹس ڈیسک) قومی کرکٹ ویمن کرکٹ ٹیم کی آل رائونڈر ندا ڈار نے کہا ہے کہ ورلڈ کپ کی تیاریاں اچھی رہی ہیں،آسٹریلیا کے خلاف میچ نہ جیتنے کے باوجود ہماری سیریز اچھی رہی اور سیریز سے ہمیں بہت کچھ سیکھنے کا موقع ملا۔ پاکستان کرکٹ بورڈ کے مطابق انہوں نے ان خیالات کا اظہار ٹی ٹونٹی ورلڈ کپ سے قبل کیپ ٹائون میں گفتگو کرتے ہوئے کیا۔
نداڈار نے کہا کہ آسٹریلیا کے خلاف سیریز سے ہمیں ورلڈ کپ میں اچھی کارکردگی دکھانے میں مدد ملے گی۔ہمارے گروپ میں انگلینڈ، انڈیا، آئرلینڈ اور ویسٹ انڈیز جیسی ٹیمیں ہیں۔نداڈار نے کہا کہ ہم ایک وقت میں ایک میچ کو لے کر چلیں گے اور اچھا کھیل پیش کرکے سیمی فائنل کے لیے کوالیفائی کرنے کی کوشش کریں گے،ہمارے اسکواڈ میں نوجوان اور تجربہ کار کھلاڑیوں کا ایک اچھا کمبینیشن بنا ہوا ہے۔
انہوں نے کہا کہ نوجوان کھلاڑی جلدی سیکھنے والے ہیں اور بہت پرجوش ہیں۔ وہ اسکواڈ میں توانائی لاتے ہیں، جو بالآخر سینئر کھلاڑیوں کو ٹیم کی جیت میں کردار ادا کرنے میں مدد کرتے ہیں۔ انہوں نے کہا کہ بیٹنگ آرڈر میں عالیہ ریاض اور عائشہ نسیم کے کردار بہت اہم ہوں گے، آخری پانچ اوور واقعی اہم ہیں اور عالیہ اور عائشہ جیسے اسٹرائیکر بیٹنگ کے آخری مرحلے میں اچھی کارکردگی دکھانے میں ہماری مدد کریں گے۔
انہوں نے کہا کہ بھارت اور پاکستان کا مقابلہ ایسا ہے کہ اس میں کسی چھٹی کے دن کی ضرورت نہیں ہے، شائقین کسی بھی دن مقابلہ دیکھنے کے لیے موجود ہوتے ہیں۔ نداڈار نے کہا کہ میں ٹی ٹونٹی فارمیٹ میں سب سے زیادہ وکٹیں لینے والی کھلاڑی بننے کے ریکارڈ کا کوئی اضافی دباؤ نہیں لینا چاہتی ، مجھے صرف یہ کھیل کھیلنا پسند ہے اور میں صرف اس لمحے سے لطف اندوز ہونا چاہتی ہوں اور ٹیم کے لیے اپنا بہترین پیش کرنا چاہتی ہوں۔
بیکٹیریا سے 2019ء میں پاکستان میں 60 ہزار افراد کی اموات ہوئیں، ڈبلیو ایچ او
بین الاقوامی بلین مارکیٹ میں فی اونس سونے کی قیمت 30ڈالر کے اضافے سے 2414ڈالر کی سطح پر آگئی
مسالوں کے بعد مزید بھارتی خوردنی اشیا پر بھی پابندی عائد
نبیل ظفر نے ثانیہ مرزا کو نکاح کرنے کا مشورہ دیدیا
بجٹ میں سرکاری ملازمین کی تنخواہوں میں 12فیصد تک اضافہ متوقع
تقریب کے شرکا کی جانب سے چیزیں پھینکنے پر ماہرہ خان نے خاموشی توڑ دی
پاکستان کی آئی ٹی برآمدات میں بڑا اضافہ
شوگر کے مریض موٹاپے کی سرجری نہ کرائیں، ڈاکٹر معاذالحسن
ٹی20 ورلڈکپ2024؛ محمد حفیظ نے اپنی سیمی فائنل ٹیموں کی پیشگوئی کردی
اہلیہ کی لاش کے ساتھ سیلفی لینے والے شوہر کی خودکشی