سوشل میڈیا پر امیر زادے کی مزدور سے بدتمیزی اور دال سڑک پر پھینکنے والے کی ویڈیو وائرل ہونے کے بعد نواب ٹاون پولیس نے ایکشن لیا
لاہور (نیوز ڈیسک) لاہور میں غریب پھیری والے کی دال سڑک پر پھینکنے والے امیر زادے کو گرفتار کر لیا گیا، سوشل میڈیا پر امیر زادے کی مزدور سے بدتمیزی اور دال سڑک پر پھینکنے والے کی ویڈیو وائرل ہونے کے بعد نواب ٹاون پولیس نے ایکشن لیا۔ تفصیلات کے مطابق لاہور کی نواب ٹائون پولیس نے پھیری والے کی دال سڑک پر پھینکنے والے شخص کو گرفتار کرلیا۔
لاہور پولیس نے شوکت خانم سگنل پر معمولی ایکسیڈنٹ پر پھیری لگانے والے شہری کے ساتھ ظلم و زیادتی کرنے والے ملزم کو گرفتار کر لیا ہے۔ مزید قانونی کاروائی جاری ہے۔ https://t.co/83HfK2QOLd pic.twitter.com/K7pTR2nitJ
— Punjab Police Official (@OfficialDPRPP) January 19, 2023
بتایا گیا ہے کہ گزشتہ دنوں لاہور کے علاقے شوکت خانم ہسپتال کے قریب ایک شخص کی جانب سے مزدور سے بدتمیزی اور دال سڑک پر پھینکنے والے کی ویڈیو وائرل ہوئی تھی جس پر ڈی آئی جی افضال کوثر نے نوٹس لیتے ہوئے ملزم کی فوری گرفتاری کا حکم دیا۔ نواب ٹائون پولیس نے سب انسپکٹر رائے اورنگزیب کی مدعیت میں درج کر کے ملزم عرفان خان کو گرفتار کر لیا، مقدمہ میں دھمکیاں دینے اور نقصان پہنچانے کی دفعات شامل کی گئیں۔ واقعے کے حوالے سے میڈیا رپورٹس کے مطابق مزدور کا موٹرسائیکل گرفتار شخص کی گاڑی سے جا ٹکرا تھا، جس کے بعد گاڑی میں بیٹھے شخص نے غصے میں آ کر مزدور کا دال کا پیکٹ چھین کر اسے سڑک پر پھینک دیا تھا۔
