کراچی میں تیز رفتار واٹرٹینکر نے موٹرسائیکل سوار باپ بیٹی کو کچل دیا۔
یہ واقعہ ناظم آباد 7 نمبر پر پیش آیا جہاں ٹینکر کی ٹکر سے زخمی 3 افراد کو عباسی شہید اسپتال منتقل کیا گیا لیکن حادثے میں زخمی ہونے والے باپ بیٹی دم توڑ گئے۔
ذرائع کے مطابق حادثےکے بعد ڈرائیورفرار ہوگیا اور موقع پر موجود مشتعل افراد نے واٹر ٹینکر کو آگ لگادی۔
پولیس کے مطابق جاں بحق ہونےوالوں میں 10سالہ بچی سدرہ اور اس کے 40 سالہ والد شامل ہیں جبکہ حادثے میں زخمی ہونے والا35 سالہ عبدالواحد متوفی کا بھائی ہے۔
