فوڈ انسپکٹر نے سرکاری گندم فروخت کر کے مٹی اور ریت بھری بوریاں گودام میں رکھ دیں

لاہور( این این آئی )محکمہ اینٹی کرپشن نے ڈی جی خان میں گندم خریداری مرکز سے بڑی چوری پکڑ لی،فوڈ گرین انسپکٹر نے گندم کی بجائے مٹی اور ریت بھر دی، انچارج مرکز خریداری گندم فوڈ انسپکٹر پر مقدمہ درج کر لیا گیا ۔محکمہ خوراک کے گندم خریداری مرکز زیریں چوٹانی ڈی جی خان سے اینٹی کرپشن نے عجب کرپشن کی غضب کہانی بے نقاب کر دی ۔محکمہ خوراک ڈی جی خان کی بڑی کرپشن پکڑی گئی۔ گندم خریداری مرکز زیریں چوٹانی ضلع ڈی جی خان سے سرکاری گندم کی 1716 بوریاں کرپشن کی نظر ہوگئیں۔ انچارج مرکز خریداری گندم

محمد ادریس بغلانی نے خود جعلسازی سے کوٹے کی گندم بیچ دی۔ ملزم نے سبسڈی والی سرکاری گندم بیچ کر سرکاری خزانے کو تقریباً ایک کروڑ کا نقصان پہنچایا۔ ملزم نے اڑھائی من کی 1716 بوریاں بیچ کر ان کی جگہ ریت اور مٹی سے بھری بوریاں رکھ دیں۔ ملزم نے گندم کے سٹاک میں خردبرد کرکے رمضان بازاروں میں سبسڈی والے آٹا کا بحران پیدا کرنے کی کوشش کی۔

اپنا تبصرہ بھیجیں