43

افغان طالبان اپنا مطالبہ منظور کروانے میں کامیاب ہو گئے جوبائیڈن نے افغانستان سے امریکی فوج کے مکمل انخلاء کی تاریخ دے دی 

کابل (مانیٹرنگ ڈیسک /آن لائن )افغان طالبان اپنا مطالبہ منظور کروانے میں کامیاب ہو گئے ، امریکہ نے 11 ستمبر 2021 تک افغانستان سے اپنی افواج کے انخلا کا فیصلہ کر لیا۔برطانوی نشریاتی ادارے بی بی سی کی رپورٹ کے مطابق امریکی صدرجو بائیڈن جلد افواج کے انخلا کا اعلان کریں گے۔یاد رہے کہ گزشتہ سال ٹرمپ انتظامیہ نے طالبان سے معاہدہ کیا تھا کہوہ اپنی افواج مئی تک افغانستان سے نکال دیں گے۔امریکی عہدیدار کے مطابق صدر بائیڈن جنگ کو قومی مفاد کے خلاف سمجھتے ہیں، فوجیں نکالنے کا مطلب یہ نہیں کہ امریکا افغانستان کو چھوڑ دے گا،

افغان حکومت کے ساتھ سفارتی تعلق میں رہیں گے۔اخبار نے دعویٰ کیا ہے کہ صدر بائیڈن بدھ کو اپنے فیصلے کا اعلان کر سکتے ہیں۔قبل ازیں افغان طالبان نے کہا ہے کہ وہ رواں ہفتے ترکی میں ہونے والی امن کانفرنس میں ممکنہ طور پر شرکت نہیں کریں گے۔ امریکی وزیر خارجہ انٹونی بلنکن نے اس سے قبل کہا تھا کہ امریکا چاہتا ہے کہ ترکی کی میزبانی میں ہونے والی کانفرنس، میں افغانستان کے متحارب فریق کسی امن معاہدے کو حتمی شکل دینے میں کامیاب ہو جائیں۔ میڈیارپورٹس  کے مطابق طالبان کے ترجمان محمد نعیم کے مطابق طالبان منصوبے کے مطابق اس ہفتے ترکی میں ہونے والی امن کانفرنس میں شرکت کے لیے تیار نہیں ہیں تاہم اس معاملے پر غور و خوض ہو رہا ہے۔ یہ دس روزہ کانفرنس 16 اپریل سے شروع ہونا ہے۔

اس خبر پر اپنی رائے کا اظہار کریں

اپنا تبصرہ بھیجیں