34

دھرنوں کے باعث مسافر ایئرپورٹ نہ پہنچ سکے، پروازیں تاخیر کا شکار

دھرنوں کے باعث مسافر ایئرپورٹ نہ پہنچ سکے ، پروازیں تاخیر کا شکار

کراچی میں ایک مذہبی جماعت کی جانب سے شہر کے مختلف علاقوں میں دیئے جانے والے دھرنوں کے باعث مسافروں کو ایئرپورٹ پہنچنے میں مشکلات کا سامنا کرنا پڑرہا ہے۔

ایئرپورٹ ذرائع کا کہنا ہے کہ لاہور جانے والی پرواز کے 40 مسافر ایئرپورٹ نہ پہنچ سکے، جس کے باعث پی آئی اے کی لاہور جانےوالی پرواز تاخیر کا شکار ہوگئی۔

 نجی ایئرلاین کی لاہور جانے والی پرواز ایک گھنٹے زائد تاخیر سے روانہ ہوئی ہے۔

ذرائع کا کہنا ہے کہ نجی ایئرلائن اسلام آباد جانے والی پرواز بھی روانہ نہ ہوسکی۔

 ذرائع کا کہنا ہے کہ پی آئی اے کی دمام کی پرواز کا عملہ بھی ایئرپورٹ نہ پہنچ سکا، جبکہ اسی پرواز کے کئی مسافر بھی ایئرپورٹ نہ پہنچ سکے۔

اس خبر پر اپنی رائے کا اظہار کریں

اپنا تبصرہ بھیجیں