قومی ٹیم کی پہلے ٹی ٹوئنٹی میچ میں کامیابیاسد عمربھی خوشی سے نہال ، پیغام جاری کردیا 

اسلام آباد، جوہانسبرگ (این این آئی)وفاقی وزیر منصوبہ بندی اسد عمر نے قومی ٹیم کی پہلے ٹی ٹوئنٹی میچ میں کامیابی پر خوشی کا اظہار کرتے ہوئے کہا ہے کہ قومی کرکٹ ٹیم نے ایک اور شاندار فتح حاصل کی۔سوشل میڈیا کی ویب سائٹ ٹوئٹر پر جاری پیغام میں اسد عمر کا کہنا تھا کہ جیت سے زیادہ یہ بات اہم ہے کہ قومی ٹیم آخری تک لڑتی رہی۔واضح رہے کہ اسد عمر نے کچھروز قبل پاکستان ٹیم کو جنوبی افریقا کے خلاف سیریز جیتنے پر مبارکباد دی تھی اور کپتان بابر اعظم اور فخر زمان کی تعریف کرتے ہوئے

کہا تھا کہ بابر اعظم دن بدن بہتر نہیں عظیم تر ہوتے جا رہے ہیں تاہم سیریز کا شہزادہ فخر زمان رہا۔یاد رہے کہ گزشتہ روز کھیلے گئے پہلے ٹی 20 میچ میں پاکستان نے سنسنی خیز مقابلے کے بعد جنوبی افریفا کو 4 وکٹوں سے شکست دی تھی۔دوسری جانب جنوبی افریقا کے خلاف پہلے ٹی 20 میچ کے ہیرو محمد رضوان نے کہا ہے کہ جنوبی افریقا کو ٹی 20 سیریز میں بھی شکست دیں گے۔ میڈیا سے گفتگو کرتے ہوئے انہوں نے کہا کہ ایک روزہ سیریز کی طرح جنوبی افریقا کو ٹی 20 سیریز میں بھی شکست سے دوچار کریں گے۔محمد رضوان نے کہا کہ سیریز کا جیت سے آغاز کرنا اہم ہوتا ہے، کھلاڑیوں پر اعتماد ہے اگلا میچ بھی جیتیں گے۔قومی وکٹ کیپر بیٹسمین جو 3 ایک روزہ میچوں میں خاطر خواہ پرفارمنس نہیں دے سکے تھے تاہممیچ میں انہوں نے ساری کسر پوری کردی۔محمد رضوان نے پہلے میچ میں 74 رنز کی ناقابل شکست اننگز کھیلی، اس دوران 2 چھکے اور 9 چوکے لگائے۔انہوں نے ٹیم کی فتح میں اہم کردار ادا کیا، رضوان نے ایک طرف سے وکٹ نہ گرنے دی جبکہ دوسرے طرف سے وکٹ گرنے کا سلسلہ جو بابر اعظم سے شروع ہوا تھا وہ فہیم اشرف تک جاری رہا۔

اپنا تبصرہ بھیجیں