منشیات برآمدگی کیس، پولیس اہلکار کی سزا معافی اپیل مسترد

کراچی(بیورو رپورٹ+ایجنسیاں) سندھ ہائیکورٹ نے منشیات برآمدگی کیس میں پولیس اہلکار فیاض حسین سمیت 3 ملزمان کی سزاختم کرنے کیخلاف اپیل مسترد کردی۔
عدالت نے درخواست کی سماعت کے دوران ملزم پولیس اہلکار فیاض کی عمر قید کی سزاکم کر کے 10 سال کردی جبکہ شریک ملزمان محمد نعیم ، برکت اللہ کی عمر قید سزا برقرار رکھنے کا حکم دیا۔سندھ ہائیکورٹ نے سماعت کے دوران ریمارکس دیئے کہ ملزمان کے خلاف ٹھوس شواہد ہیں، بری نہیں کیا جاسکتا۔سرکاری وکیل نے عدالت کو بتایا کہ ملزمان کو 2015 میں حب چوکی کے قریب سے گرفتار کیا گیا تھا، ملزمان سے 27 کلو چرس برا?مد کی گئی تھی اور اینٹی نارکوٹکس کورٹ نے تینوں ملزمان کو عمر قید کی سزا سنائی تھی۔