کوئی مجھ سے محبت کی بات کرے تو سانس بند ہونے لگتی ہے: نیلم منیر

اسلام آباد: (شوبز ویب ڈیسک) پاکستانی ڈرامہ و فلم انڈسٹری کی معروف اداکارہ و ماڈل نیلم منیر نے محبت سے متعلق دلچسپ انکشاف کیا ہے۔ اداکارہ نیلم منیر کا کہنا ہے کہ انہیں آج تک کسی سے محبت نہیں ہوئی اور اگر کوئی ان سے محبت سے متعلق بات بھی کرے تو ان کی سانس بند ہونے لگتی ہے۔

اداکارہ کا کہنا ہے کہ انہیں آج تک صرف اپنی والدہ اور خاندان سے محبت ہوئی ہے۔

نیلم منیر نے بات کرتے ہوئے مزید کہا کہ اب فیملی بھی کہنے لگ گئی ہے کہ شادی کر لو، رشتے بھی آ رہے ہیں۔

آنے والے رشتوں کو انکار کرنے کی وجہ سے متعلق پوچھے گئے سوال کے جواب میں اداکارہ کا کہنا تھا کہ کسی ایک لیے ہاں کرنی ہے اسی لیے باقی آنے والے رشتوں کے لیے ناں کہہ رہی ہوں۔

نیلم منیر کا اپنے ہونے والے ہمسفر سے متعلق کہنا تھا کہ اسے بہت اچھا ہونا چاہیے، انہیں ایک ایسا انسان چاہیے جسے اپنے ملک سے محبت ہو، سب انسانوں کا احساس ہو اور اللّٰہ سے ڈرنے والا ہو، اللّٰہ کی راہ میں صدقہ خیرات کرنے والا ہو۔