لاہور: (نیوز ڈیسک) چیف آرگنائزر مسلم لیگ ن مریم نواز نے سابق وزیراعظم عمران خان کے بیان پر رد عمل دیتے ہوئے کہا ہے کہ ملک، ریاست اور ادارے تم جیسے دہشت گرد اور فتنے کے حکم پر نہیں چل سکتے۔
سماجی رابطے کی ویب سائٹ ٹوئٹر پر چیئرمین پی ٹی آئی عمران خان کے پیغام کو ری ٹوئٹ کرتے ہوئے لیگی رہنما مریم نواز نے لکھا کہ پاکستان کی تاریخ کے پہلے سرٹیفائیڈ آئین شکن کے منہ سے آئین جیسی مقدس شے کا نام لینا بھی گھناؤنا مذاق ہے۔
پاکستان کی تاریخ کے پہلے سرٹیفائیڈ آئین شکن کے منہ سے آئین جیسی مقدس شے کا نام لینا بھی گھناؤنا مذاق ہے۔ بات یہ کہ وہ سازش جو تم نے نئے سہولت کاروں کی مدد سے تیار کی تھی وہ پکڑ لی گئی ہے۔ ملک، ریاست اور ادارے تم جیسے دہشت گرد اور فتنے کے حکم پر نہیں چل سکتے۔اب چُپ کر کے بیٹھ جاؤ! https://t.co/RWiDiECjTE
— Maryam Nawaz Sharif (@MaryamNSharif) March 30, 2023
مریم نواز کا مزید کہنا تھا کہ بات یہ ہے کہ وہ سازش جو تم نے نئے سہولت کاروں کی مدد سے تیار کی تھی وہ پکڑ لی گئی ہے، اب چپ کر کے بیٹھ جاؤ۔
سابق وزیراعظم عمران خان نے اپنے پیغام میں کہا تھا کہ 5 رکنی بنچ ہو یا فل کورٹ، ہمیں اس سے کچھ فرق نہیں پڑتا، ہم صرف یہ جاننا چاہتے ہیں کہ انتخابات آئین میں فراہم کردہ مدت (90 روز) کے دوران ہو رہے ہیں یا نہیں۔
عمران خان کا مکمل بیان یہاں سے پڑھیں: امپورٹڈ حکومت، ان کے ہینڈلر اور الیکشن کمیشن آئین کا مذاق اڑا رہے ہیں