پولیس عمران خان کی اہلیہ بشریٰ بی بی کے رہائشی حصے تک نہیں گئی

admin

زمان پارک نوگو ایریا بنا ہوا تھا،پولیس نے غیر مسلح ہو کر تمام علاقے کو کلیئر کیا۔زمان پارک سےجوکچھ برآمد ہوا آئی جی پنجاب کچھ دیر بعد تمام چیزیں قوم کے سامنے رکھیں گے۔ وزیرداخلہ رانا ثناءاللہ کی گفتگو

لاہور (نیوز ڈیسک) وزیرداخلہ رانا ثناءاللہ نے نجی ٹی وی چینل سے گفتگو کرتے ہوئے کہا کہ زمان پارک نوگو ایریا بنا ہوا تھا۔نو گو ایریا کلیئر کرا دیا گیا ہے ،عمران خان ملک میں فساد کرنا چاہتا ہے۔پولیس نے غیر مسلح ہو کر تمام علاقے کو کلیئر کیا۔زمان پارک سے کیا کچھ برآمد ہوا مجھے نہیں پتا، آئی جی پنجاب کچھ دیر بعد تمام چیزیں سامنے رکھیں گے۔
آئی جی پنجاب کچھ دیر بعد پریس کانفرنس میں تمام چیزیں قوم کے سامنے رکھیں گے۔رانا ثنا اللہ نے مزید کہا کہ کہ پولیس عمران خان کی اہلیہ بشریٰ بی بی کے رہائشی حصے تک نہیں گئی۔ خیال رہے کہ پنجاب پولیس چیئرمین پی ٹی آئی عمران خان کی رہائش گاہ کا گیٹ توڑ کر اندر داخل ہو گئی تھی۔پولیس نے عمران خان کی رہائش گاہ کا دروازہ کرین کی مدد سے توڑا۔


عمران خان کی رہائش گاہ زمان پارک کے اندر واٹر کینن کا استعمال کیا گیا۔زمان پارک سے متعدد کارکنان کو گرفتار کیا جا چکا ہے۔


پی ٹی آئی کارکنوں کی جانب سے پولیس پر پتھراؤ کیا گیا جس کے باعث اہلکار زخمی ہو گئے،زمان پارک اور گرد و نواح میں انٹرنیٹ سروس معطل کر دی گئی تھی جبکہ سندر داس روڈ سے زمان پارک آنے والے راستے بھی ٹریفک کیلئے بند کر دیے گئے تھے۔


قبل ازیں زمان پارک کے اطراف پولیس نے آپریشن کیلئے پیش قدمی شروع کی،ڈی آئی آپریشن اور ڈی آئی جی انوسٹی گیشن قیادت کر رہے تھےاور آپریشن میں ایک ہزار سے زائد پولیس اہلکار حصہ لے رہے تھے۔ آپریشن میں اینٹی رائیٹ فواد اور سی آئی اے اہلکار بھی شامل تھے،پولیس کے مطابق زمان پارک عمران خان کی رہائش کے ارد گرد پی ٹی آئی کے ڈنڈا بردار کارکن موجود ہیں۔


جبکہ عمران خان نے کہا ہے کہ پنجاب پولیس نے زمان پارک میں میرے گھر پر حملہ کیا جہاں بشریٰ بیگم اکیلی تھیں، یہ کس قانون کے تحت کر رہے ہیں؟ یہ لندن پلان کا حصہ ہے جہاں مفرور نواز شریف کو اقتدار میں لانے کے وعدے کیے گئے تھے۔

مزید پڑھیں

فوج کو الیکشن ڈیوٹی کرنے میں کیا مسئلہ ہے؟ ذمہ داری تو ذمہ داری…
آئین کا سنگین مذاق، عدلیہ کے اختیارات کی دھجیاں اڑائی جا رہی ہیں، وزیراعظم
الیکشن کیلئے پورا بجٹ ضروری نہیں، کٹ ہماری تنخواہوں پر بھی لگایا جا سکتاہے:…
حکومتی اتحاد کا پنجاب، خیبرپختونخوا انتخابات ملتوی کیس میں فریق بننے کا فیصلہ
اظہر مشوانی کہاں ہیں، پتہ چل گیا
حکومت کا پنجاب اور خیبرپختونخوا انتخابات کیس کیلئے فل کورٹ بنانے کا مطالبہ