لاہور: (نیوز ڈیسک) پاکستان تحریک انصاف (پی ٹی آئی) کے رہنماؤں نے کہا ہے کہ عمران خان کی کال پر پورے پاکستان کی جیلیں بھر دیں گے۔ سماجی رابطے کی ویب سائٹ ٹوئٹر پر اپنے پیغام میں پی ٹی آئی کے وائس چیئرمین شاہ محمود قریشی نے کہا کہ فاشسٹ امپورٹڈ حکومت کا یہ شوق بھی پورا ہو جائے گا، ہتھکڑیاں اور تشدد کچھ بھی نہیں، وطن کے لئے جان بھی حاضر ہے۔
چئیرمین عمران خان کی کال پر ہم پورے پاکستان کی جیلیں بھر دینگے۔ فاشسٹ امپورٹڈ حکومت کا یہ شوق بھی پورا ہو جائے گا۔ ہتھکڑیاں اور تشدد کچھ بھی نہیں وطن کے لئے جان بھی حاضر ھے۔#جیل_بھرو_تحریک
— Shah Mahmood Qureshi (@SMQureshiPTI) February 4, 2023
پارٹی چیئرمین عمران خان کے جیل بھرو تحریک کے اعلان پر رہنما پی ٹی آئی فرخ حبیب نے کہا کہ اسی طرح ہمارے رہنماؤں کی گرفتاریاں ہوتی رہیں اور انہیں دیوار سے لگایا جاتا رہا تو یہی آپشن بچتا ہے، یہ اپنا شوق پورا کر لیں، ہم حقیقی آزادی کی جدوجہد سے پیچھے نہیں ہٹیں گے۔
رہنما تحریک انصاف میاں اسلم اقبال نے سماجی رابطے کی ویب سائٹ ٹوئٹر پر اپنے پیغام میں لکھا کہ جیل بھرو تحریک سے تیرے شوق کو تسکین دیتے ہیں۔
ادھر آ ستم گر ہنر آزمائیں
تو تیر آزما ہم جگر آزمائیں#جیل_بھرو_تحریک سے تیرے شوق کو تسکین دیتے ہیں pic.twitter.com/EXH9Xu3OZn— Mian Aslam Iqbal (@MMAslamIqbal) February 4, 2023
پی ٹی آئی رہنما مسرت جمشید چیمہ نے اپنے پیغام میں کہا کہ ان شاءاللہ اس ملک کی جیلیں کم پڑ جائیں گی لیکن نہ ہمارا جذبہ ماند پڑے گا، نہ حوصلے کم ہوں گے۔
انشاءاللہ اس ملک کی جیلیں کم پڑ جائیں گی لیکن نہ ہمارا جذبہ ماند پڑے گا، نہ حوصلے کم ہوں گے، ہم ان سب کو بتائیں گے کہ تم نے ٹکر کے لوگوں سے سینگ پھنسا لیے ہیں۔#جیل_بھرو_تحریک pic.twitter.com/OIsQJQC5GE
— Musarrat Cheema (@MusarratCheema) February 4, 2023
خیال رہے کہ چیئرمین پاکستان تحریک انصاف عمران خان نے اپنے ایک ویڈیو پیغام میں جیل بھرو تحریک کا اعلان کرتے ہوئے کارکنوں کو تیار رہنے کا حکم دے رکھا ہے۔