ریاض : ( سپورٹس ویب ڈیسک ) سٹار فٹبالر کرسٹیانو رونالڈو نے اپنے نئے سعودی کلب النصر کی خواتین کی ٹیم سے ملاقات کی تاکہ ان کے اگلے میچز سے قبل کھلاڑیوں کا اعتماد بڑھایا جا سکے۔ رونالڈو نے گزشتہ سال دسمبر میں مانچسٹر یونائیٹڈ سے علیحدگی کے بعد النصر کلب کے ساتھ تقریباً 200 ملین یورو کا منافع بخش معاہدہ کیا تھا، وہ جنوری سے ریاض میں ہیں اور اب تک ٹیم کے لیے دو میچز کھیل چکے ہیں۔
النصر کی جانب سے اپنے آفیشل ٹوئٹر اکاؤنٹ پر پوسٹ کی گئی ایک ویڈیو میں رونالڈو کو کلب کی خواتین کی ٹیم کی حوصلہ افزائی کرتے ہوئے اور سعودی ویمنز پریمیئر لیگ کے ان کے بقیہ دو میچوں کے لیے نیک خواہشات کا اظہار کرتے ہوئے دیکھا جا سکتا ہے۔
Our women stars have their support from the greatest ????
Ronaldo meets #AlNassr’s women football team ⚽️
And gives a message for the two remaining matches ???????? pic.twitter.com/6KT4YMY4D2— AlNassr FC (@AlNassrFC_EN) February 2, 2023
واضح رہے کہ النصر میں شمولیت کے بعد ریاض میں پریس کانفرنس کے دوران رونالڈو نے نہ صرف نوجوان لڑکوں کے لیے بلکہ ملک کی خواتین فٹبالرز کے لیے بھی ایک تحریک بننے کی خواہش کا اظہار کیا تھا۔