فیصل آباد:اینٹی کرپشن ٹیم نے شہریوں کو سرکاری ملازمتیں دلوانے کا جھانسہ دیکر بھاری رقم ہتھیانے والے گروہ کے سرغنہ کو گرفتار کر لیا

فیصل آباد(بیورو رپورٹ) اینٹی کرپشن ٹیم نے شہریوں کو سرکاری ملازمتیں دلوانے کا جھانسہ دیکر بھاری رقم ہتھیانے والے گروہ کے سرغنہ کو گرفتار کر لیا، دو مزید ملزمان کی گرفتاری کے لیے چھاپے شروع، گروہ کے ہاتھوں لٹنے والے مزید 25 افراد کے بیان اینٹی کرپشن کے اسسٹنٹ ڈائریکٹر قیصر ریاض نے قلمبند کر لیے۔
تفصیلات کے مطابق ڈجکوٹ کے چک 87 گ ب میں اینٹی کرپشن ٹیم نے چھاپہ مار کر ملزم محمد سرور عرف بگا کو گرفتار کر لیا، اس کے قبضہ سے 10 جعلی کال لیٹر بھی تحویل میں لے لیے، یاد رہے کہ اس ملزم کو پہلے سے گرفتار ملزم قمر لطیف کی نشاندہی پر پکڑا ملزم محمد سرور عرف بگا اپنے دربار پر مختلف محکموں میں بھرتیاں آنے کا اعلان کرتا تھا جس کے بعد سادہ لوح لوگ ان کے جھانسہ میں آ کر اس کو رقم دے دیتے تھے اینٹی کرپشن ٹیم نے ملزم کا جسمانی ریمانڈ حاصل کر کے مزید تفتیش شروع کر دی۔