اسلام آباد: (نیوزویب ڈیسک) ایشیائی انفراسٹرکچر انویسٹمنٹ بینک نے پاکستان کو قرض کے طور پر 50 کروڑ ڈالر جاری کر دیئے۔ وفاقی وزیر خزانہ اسحاق ڈار نے ٹوئٹر پر جاری بیان میں بتایا کہ اسٹیٹ بینک کو قرض کی مد میں 50 کروڑ ڈالر منتقل ہو چکے ہیں، رقم ایشین انفرا اسٹرکچرانویسٹمنٹ بینک سے قرض کی مد میں ملی ہے۔
Asian Infrastructure Investment Bank (AIIB) has transferred today, as per their Board’s approval, to State Bank of Pakistan/Government of Pakistan
US $ 500 million as program financing.— Ishaq Dar (@MIshaqDar50) November 29, 2022
وزارت خزانہ کے مطابق قرض کے اس معاہدے پر شرم الشیخ میں دستخط ہوئے تھے۔
وزارت خزانہ کا کہنا ہے کہ فنڈز اسٹیٹ بینک آف پاکستان میں جمع ہوگئے ہیں جس سے زرمبادلہ کے ذخائر میں بہتری آئے گی۔
واضح رہے کہ 9 نومبر کو وفاقی وزیر خزانہ سینیٹر اسحاق ڈار نے کہا تھا کہ ایشین انفرا اسٹرکچر انویسٹمنٹ بینک نے پاکستان کے لئے 50 کروڑ ڈالر کی منظوری دے دی ہے۔
