صوبہ پنجاب کے شہر لاہور میں عالمی وبا کورونا وائرس کے مثبت کیسز کی شرح 14.7فیصد ہوگئی۔
محکمہ صحت پنجاب کے مطابق گزشتہ 24 گھنٹوں کے دوران 7 ہزار 834 ٹیسٹ کیے گئے۔
گزشتہ 24 گھنٹے میں لاہور میں 1 ہزار 153 افراد میں کورونا وائرس کی تصدیق ہوئی ہے۔
واضح رہے کہ نیشنل کمانڈ اینڈ کنٹرول سینٹر (این سی او سی) کے اعداد و شمار کے مطابق پاکستان میں گزشتہ 24 گھنٹوں کے دوران کورونا وائرس کے مزید 3 ہزار669کیسز سامنے آئے ہیں، مزید 20 افراد اس موذی وباء کے سامنے زندگی کی بازی ہار گئے، جبکہ اس بیماری سے 1 ہزار 686 مریض شفایاب ہو گئے۔
ملک بھر میں کورونا وائرس سے انتقال کرنے والوں کی مجموعی تعداد 13 ہزار863ہو گئی ہے، جبکہ کُل مریضوں کی تعداد 6 لاکھ 30 ہزار471ہو چکی ہے۔
دوسری جانب پنجاب میں کورونا وائرس کے اب تک 1 لاکھ99 ہزار40 مریض سامنے آئے ہیں، جبکہ یہاں کُل ہلاکتیں دیگر صوبوں سے زیادہ ہیں جو 5 ہزار982ہو گئیں۔