56

کورونا ٹیسٹ مثبت آنے پر بھارتی وزیراعظم نریندر مودی کا وزیراعظم پاکستان کے نام خصوصی پیغام

نئی دہلی (این این آئی) بھارتی وزیراعظم نریندر مودی نے وزیراعظم عمران خان کے کورونا وائرس کا شکار ہونے کے بعد ان کی جلد صحتیابی کے لیے نیک خواہشات کا اظہار کیا ہے۔وزیراعظم عمران خان ہفتہ کو کورونا وائرس کا شکار ہوئے،اس حوالے سے وزیراعظم کے معاون خصوصی برائے صحت ڈاکٹر فیصل سلطان نے ٹوئٹر پر جاری بیان میں بتایا کہ عمران خان کا کورونا ٹیسٹ مثبت آیا ہے۔وزیراعظم کی صحتیابیکے لیے دعائیہ پیغامات کا سلسلہ دن بھر جاری رہا۔ پڑوسی ملک بھارت کے وزیراعظم نریندر مودی نے بھی وزیراعظم عمران خان کی صحتیابی کے لیے دعا کی۔مائیکرو بلاگنگ ویب

سائٹ ٹوئٹر پر نریندر مودی نے اپنے ذاتی اکاؤنٹ سے وزیراعظم عمران خان کو ٹیگ کرتے ہوئے پیغام جاری کیا۔انھوں نے لکھا کہ کورونا وائرس سے جلد صحتیابی کے لیے ان کی نیک خواہشات وزیراعظم عمران خان کے ساتھ ہیں۔

اس خبر پر اپنی رائے کا اظہار کریں

اپنا تبصرہ بھیجیں