اسلام آباد (جنرل رپورٹر) حکومت نے آئینی ترامیم کے لیے اپوزیشن سے بیک ڈور رابطے کا فیصلہ کر لیا۔ تفصیلات کے مطابق حکومت نے گلگت بلتستان کو صوبے کا درجہ دلوانے، سینیٹ انتخابات میں ووٹ قابل شناخت بنانے اور سمندر پار پاکستانیوں کو انتخابات لڑنے کی اجازت دینے کے لیے درکار آئینی ترامیم کے لیے اپوزیشن کے ساتھ بیک ڈور رابطہ کرنے کا فیصلہ کر لیا ہے۔
اس حوالے سے آئینی ترمیمی پیکیج پر تمام پارلیمانی جماعتوں پر مشتمل کمیٹی بنائی جارہی ہے،جس میں تجاویز طلب کی جائیں گی تاہم اپوزیشن کی جانب سے بائیکاٹ کے پیش نظر غیر رسمی کمیٹی بھی آئینی پیکج پر کام کرے گی جس میں اپوزیشن کی مشاورت شامل ہوگی۔ذرائع نے بتایا ہے کہ حکومت ،اپوزیشن کے ساتھ ”تقسیم کرو اور حکمرانی کرو“کی حکمت عملی کے تحت بات چیت کرنا چاہتی ہے۔
وزیراعظم نے انتخابی اصلاحات اور گلگت بلتستان کو صوبے کا درجہ دینے کیلئے ترمیم پر اتفاق رائے کرانے کیلئے مشیر برائے پارلیمانی امور بابر اعوان کو ٹاسک سونپا ہے،جنھوں نے اپوزیشن سے رابطوں کی تصدیق کی ہے۔واضح رہے کہ سینیٹ میں اوپن بیلٹ کے ذریعے انتخابات کروانے کی اپوزیشن نے مخالفت کی تھی، سیکرٹ بیلٹ کے ذریعے ہونے والے سینیٹ کے انتخابات میں حکومت کو شکست کا سامنا کرنا پڑا تھا، جبکہ چیئرمین سینیٹ اور ڈپٹی چیئرمین سینیٹ کے انتخابا ت بھی سیکرٹ بیلٹ کے ذریعے ہوئے، جس میں حکومت کے دونوں امیدوار کامیاب ہوئے۔
حکومتی امیدواروں کی کامیابی کے بعد وزیراعظم عمران خان نے کہا تھا کہ انتخابات میں اپنے امیدواروں کی کامیابی کے باوجود ہم اوپن بیلٹ کے ذریعے یا ووٹ کو قابلِ شناخت بنانے کے لیے آئینی ترامیم کروانا چاہتے ہیں تا کہ سینیٹ انتخابات میں ہارس ٹریڈنگ کو ختم کیا جا سکے۔ حکومت کی جانب سے تین اہم آئینی ترامیم میں اپوزیشن کے راضی کرنے کے امکانات کم نظر آرہے ہیں، کیونکہ اپوزیشن اتحاد پی ڈی ایم عمران خان کی حکومت کو گرانے کے لیے کاوشیں جاری رکھے ہوئے ہے۔
اصولی جدوجہد سے ہرگز دستبردار نہیں ہوں گے، عمران خان
سپریم کورٹ نے سپیکربلوچستان اسمبلی عبدالخالق اچکزئی کوبحال کردیا
مہنگائی کی چکی میں پستی ہوئی عوام پر ایک اور بجلی بم گرانے کی تیاری
پولیس کے شعبہ میں خواتین کی تعداد بڑھانا چاہتے ہیں: مریم نواز
سٹاک مارکیٹ میں تیزی، انڈیکس میں 300 سے زائد پوائنٹس کا اضافہ
ملک میں یکم مئی سے پیٹرولیم مصنوعات کی قیمتوں میں کمی کا امکان
عمران خان اور پی ٹی آئی ایک حقیقت ہے ان کو مان لیں اور بات چیت کریں
سائفر کیس: بانی پی ٹی آئی اور شاہ محمود کی اپیلوں پر سماعت آج ہوگی
9 مئی کو پی ٹی آئی نے پرامن احتجاج کیا، پارٹی نے کسی کو پرتشدد ہونے کا نہیں کہا
غزہ میں اجتماعی قبروں کی دریافت پراقوام متحدہ کا آزاد تحقیقات کا مطالبہ