56

ملٹی نیشنل اور مقامی ملوںنے گھی اور آئل کی قیمتوں میں اضافہ کر دیا ، یوٹیلٹی سٹورز پر دالیں بھی مہنگی ہو گئیں

لاہور( این این آئی )ملٹی نیشنل اور مقامی ملوںنے رمضان المبارک سے قبل ہی گھی اور آئل کی قیمتوںمیں 8روپے سے 10روپے تک اضافہ کر دیا ۔ ملٹی نیشنل برانڈ کے فی کلو گھی اور فی لیٹر آئل کی قیمت میں10روپے اضافہ ہوا جس سے پانچ پیکٹ کے پیٹی کی قیمت 1480روپے سےبڑھ کر 1525روپے تک پہنچ گئی ۔ مقامی کمپنی کے آئل کی 12پیکٹ کی پیٹی کی قیمت 3030روپے سے بڑھ کر 3132روپے ہو گی جس کی فی لیٹر قیمت میں 8.50روپے جبکہ اسی کمپنی کے گھی کی 12پیکٹ کی پیٹی کی قیمت2930روپے سے بڑھ کر 3024روپے ہو گی

جس کی فی کلو قیمت میں7.83روپے اضافہ ہوا ۔ یوٹیلٹی سٹورز پر ایک کلو دال چنا کی قیمت 15روپے اضافے سے145روپے، ایک کلو سفید چنا کی قیمت 5روپے اضافے سے 120روپے، ایک کلو ماش دھلی ہوئی کی قیمت 15روپے اضافے سے265روپے،دال ماش چھلکا کی قیمت فی کلو 20روپے اضافے سے 250روپے، اور ایک کلو ماش ثابت کی قیمت 15روپے اضافے سے 230روپے جبکہ ایک کلو سرخ لوبیا کی قیمت 18روپے کمی سے 200روپے ہو گئی ۔

اس خبر پر اپنی رائے کا اظہار کریں

اپنا تبصرہ بھیجیں