کورونا کیسز میں اضافہ، چوبیس گھنٹے میں مزید 2 افراد جاں بحق، 333 نئے کیسز رپورٹ

اسلام آباد: (مانیٹرنگ ڈیسک) کورونا کی ممکنہ چھٹی لہر کے سبب ملک بھر میں کورونا کیسز میں اضافہ ہونے لگا، گزشتہ چوبیس گھنٹے کے دوران مزید دو افراد جاں بحق ہو گئے۔

این آئی ایچ کے مطابق مہلک وائرس کے مزید تین سو تینتیس کیسز رپورٹ ہوئے ہیں جبکہ کورونا مثبت کیسز کی شرح دو اعشاریہ چار دو ریکارڈ کی گئی۔ گزشتہ چوبیس گھنٹے کے دوران تیرہ ہزار سات سو اُنسٹھ ٹیسٹ کئے گئے۔ ملک بھر میں پچاسی مریضوں کی حالت تشویشناک ہے۔

واضح رہے کہ کراچی میں کورونا کیسز کی شرح سب سے زیادہ سامنے آئی ہے، حکومت کو اس حوالے سے بروقت سنجیدہ اقدامات اٹھانے کی ضرورت ہے۔

اپنا تبصرہ بھیجیں