29

رمضان المبارک کے آغاز میں کم وقت رہ گیا سعودی عرب میں ماہ شعبان کے آغاز کی تاریخ کا اعلان

پشاور(مانیٹرنگ ڈیسک /آن لائن) سعودی مملکت میں آج بروز ہفتہ شعبان کا چاند نظر نہیں آیا، ماہ رجب 30 ایام کا ہوگا۔سعودی حکام کے مطابق سعودی عرب میں یکم شعبان پیر 15 مارچ کو ہوگی۔ماہ رمضان کی آمد میں اب صرف ڈیڑھ ماہ کا وقت باقی رہ گیا ہے۔ پروفیسر عبداللہ نے کہا ہے کہ سعودی عرب میں اس سال ماہ شعبان المعظم 30 ایام کا ہوگا۔ اس طرح منگل 13 اپریل کورمضان المبارک کا چاندنظر آئے گا جبکہ یکم رمضان المبارک 14اپریل کو متوقع ہے ۔ دوسری جانب رواں سال پاکستان بھر میں ایک ہی دن رمضان کے روزے

رکھنے اور عید منانے کے لئے مرکزی رویت ہلال کمیٹی نے ہوم ورک شروع کردیا ہے رمضان اور عید الفطر کا چاند کا تنازعہ حل کرنے کے لئے مرکزی رویت ہلال کمیٹی کے چیئر مین مولاناالخبیر نے اپنے دور ہ پشاور کے موقع پر غیر سرکاری رویت ہلال کمیٹی کے سربراہ مفتی شہاب الدین پوپلزئی سے بھی ملاقات کی تھی اور عید اور چاند کے حوالے سے معاملات بھی طے پائے تھے ذرائع کے مطابق رواں سال ماہ رمضان کا چاند دیکھنے کے لئے ممکنہ طور پر مرکزی رویت ہلال کمیٹی کا اجلاس پشاور میں ہو گا وزارت مذہبی امور اور مرکزی رویت ہلال کمیٹی نے رمضان المبارک اور عید پر چاند کاتنازعہ حل کرنے کے لئے صوبائی رویت ہلال کمیٹی کے ممبران ، علماء کرام ، سے بھی ملاقاتیں کریگی جبکہ وزارت سائنس ، محکمہ موسمیات سے مشاورت کریگی غیر سرکاری رویت ہلال کمیٹی پشاور کے علمائ، سربراہ کو اعتماد میں لیکر ان کی تجاویز پر غور کیا جائے گا مرکزی رویت ہلال کمیٹی کے ممبران کے علاوہ علماء کرام بھی مفتی شہاب الدین پوپلزئی سے ملاقاتیں کرینگے اور چاند کے حوالے سے تنازعات کو حل کرنے کے لئے کو ششیں کی جائیگی ۔

اس خبر پر اپنی رائے کا اظہار کریں

اپنا تبصرہ بھیجیں