35

بھارتی مسلح افواج پائن کے درختوں پر بمباری، جاسوس کبوتروں کو گرفتار کرے، پی آئی اے کا غبارہ پکڑنے پر ٹوئٹر پر مزاحیہ تبصرے

اسلام آباد (این این آئی)مقبوضہ جموں و کشمیر میں بھارتی انتظامیہ نے پاکستان انٹرنیشنل ایئرلائنز (پی آئی اے) کے جہاز کی شکل کے غبارے کو قبضے میں لے لیا ۔پی آئی اے کے نام، لوگو اور رنگوں والے غبارے کو مقبوضہ وادی کے سیکٹر ہیرانگر کے گاؤں سوترا چَک میں دیکھا گیا ۔ابتدائی طور پر اس کی نشاندہی گاؤں کےافراد نے کی اور پولیس کو اس سے آگاہ کیا تھا ، بعد ازاں انتظامیہ نے اس غبارے کو قبضے میں لے کر تحقیقات کا آغاز کردیا ۔بھارتی انتظامیہ کی جانب سے پی آئی اے جیسے غبارے کو قبضے میں لینے

پر سماجی رابطے کی ویب سائٹ ٹوئٹر پر مزاحیہ تبصرے کیے گئے ۔کامیڈین گلوکار علی گل پیر نے پی آئی اے کے غبارے کی تصویر شیئر کرتے ہوئے ‘freetheballoon’ (غبارے کو آزاد کرو) کا ہیش ٹیگ استعمال کیا۔ثنا جمال نے ٹوئٹ کی کہ پی آئی اے کے لوگو کے اس غبارے کی گرا کر بھارت نے آج ایک نئی کامیابی حاصل کی۔ڈینس کے ٹوئٹر ہینڈل نے لکھا کہ بھارتی مسلح افواج پائن کے درختوں پر بمباری، جاسوس کبوتروں کو گرفتار کرے، لیفٹیننٹ کرنل دھونی کو ٹائٹل دینے اور غبارے گرانے میں ماہر ہیں۔صفیہ نامی ٹوئٹر ہینڈل نے غبارے کی تصویر شیئر کرتے ہوئے لکھا کہ تحویل میں لے لیا گیا ہے۔مینگو لسی نامی ٹوئٹر ہینڈل نے یہ نکتہ اٹھایا کہ بھارتی پولیس ایک غبارے کو گرفتار کرلے گی تام سڑکوں پر آزادی سے گھومتے ہزاروں ریپسٹس کو نہیں گرفتار کرے گی۔نو کانٹیکسٹ نامی ٹوئٹر ہینڈل نے مزاحیہ انداز میں لکھا کہ انہیں ہمارا خفیہ ہتھیار مل گیا۔

اس خبر پر اپنی رائے کا اظہار کریں

اپنا تبصرہ بھیجیں