27

’’انٹرمیڈیٹ طلباء تیار ی کر لیں ، امتحانات کا شیڈول جاری ‘‘ داخلہ فارم وصول کرنے کی آخری تاریخ بھی اعلان کر دیا گیا

اسلام آباد (مانیٹرنگ ڈیسک /این این آئی )بورڈ آف انٹرمیڈیٹ اینڈ سیکنڈری ایجوکیشن لاہور نے سالانہ امتحانات کا شیڈول جاری کر دیا۔تفصیلات کے مطابق انٹر میڈیٹ پارٹ ون، ٹو، علوم شرقیہ سالانہ امتحانات 2021 کا شیڈول جاری ہو گیا ہے، پبلک ریلیشنز آفیسر نے شیڈول جاری کرتے ہوئے کہا ہےکہ 30 مارچ کے بعد کوئی داخلہ فارم وصول نہیں کیا جائے گا۔نجی ٹی وی اے آر وائی کےنوٹیفکیشن کے مطابق سالانہ انٹرمیڈیٹ امتحانات 12 جون سے شروع ہوں گے، امتحانات تیس روز میں لیے جائیں گے، جب کہ نتائج کا اعلان 30 ستمبر کو کیا جائے گا۔واضح رہے کہ پنجاب

کے میٹرک بورڈ نے اعلان کرتے ہوئے کہا تھا کہ صوبے میں میٹرک امتحانات 4 مئی سے شروع ہوں گے، میٹرک کے امتحانات 30 روز میں لیے جائیں گے، اور نتائج کا اعلان 31 اگست کو ہوگا۔میٹرک کے سالانہ امتحانات 2021 کے لیے پرچہ جات اسمارٹ سلیبس کے مطابق تیار نہیں ہوں گے، کچھ سوالات اسمارٹ سلیبس سے باہر سے بھی دیے جائیں گے، لاہور بورڈ نے سوالات سے متعلق گائیڈ لائنز ویب سائٹ پر اپ لوڈ کر دی ہیں۔واضح رہے کہ اس سے قبل صوبہ پنجاب میں میٹرک اور انٹرمیڈیٹ کے امتحانات کا شیڈول جاری کر دیا گیا ۔ تفصیلات کے مطابق نجی ٹی وی کی رپورٹ کے مطابق پنجاب بورڈ کمیٹی آف چیرمینز نے صوبہ بھر کے تعلیمی بورڈز کے تحت رواں سال ہونے والے میٹرک اور انٹرمیڈیٹ کے امتحانات کی تاریخ کا اعلان کردیا ہے۔ میٹرک کا امتحان 4 مئی سے آغازہوگا جبکہ نتائج کا اعلان 31 اگست کو کیا جائے گا۔انٹرمیڈیٹ کا امتحان 12 جون سے شروع ہوگااور نتائج کا اعلان 30 ستمبر کو ہوگا۔ قبل ازیں صوبائی وزیر تعلیم پنجاب مراد راس نے کہا میڈیا سے گفتگو کرتے ہوئے کہاتھا کہ صوبے بھر میں نویں ، دسویں ، گیارہویں اور بارہویں کے امتحانات مارچ کےمیںہونگے ۔ پنجاب نے کہا کہ تعطیلات کے دوران فیکلٹی ممبرز ہفتے میں دو دن اداروں میں آئیں گے۔ پچاس فیصد اساتذہ پیر کو اور 50 فیصد جمعرات کو آئیں گے۔انہوں نے مزید کہا کہ امتحانات کب لینے ہیں یہ صوبے خود فیصلہ کرینگے۔ کسی بچے کو پروموٹ نہیں کیا جائے گا۔دوسری جانب و فاقی حکومت نے کورونا وائرس خاص طور پر تعلیمی اداروں میں کیسز کی شرح میں اضافے کو دیکھتے ہوئے ملک بھر کے تمام تعلیمی اداروں کو 26 نومبر سے بند کرنے کا فیصلہ کرلیا تاہم اس دوران گھروں سے تعلیم کا سلسلہ جاری رکھا جائیگا۔

اس خبر پر اپنی رائے کا اظہار کریں

اپنا تبصرہ بھیجیں