41

سینیٹ الیکشن میں تماشا سب نے دیکھا، عمران خان

 زرداری کرپشن کے پیسے سے لوگوں کو خریدتا ہے، عمران خان

وزیراعظم عمران خان کا کہنا ہے کہ سینیٹ الیکشن میں جو تماشا چلا، سب نے دیکھا، سب کو معلوم ہے سینیٹ انتخابات میں کھلے عام پیسہ چلتا ہے۔

وزیراعظم عمران خان نے کابینہ کے اجلاس سے اظہارخیال کرتے ہوئے کہا ہے کہ غریب اور ترقی پذیر ملکوں سے بد عنوانی کے ذریعے منتقل کیا گیا پیسہ7ارب ڈالر ہے، غریب ملکوں سے کرپشن، کک بیکس کے ذریعے سارا پیسہ منی لانڈرنگ ہوتا ہے۔

عمران خان نے کہا ہے کہ بد قسمتی سے معاشرے میں کرپشن کو سب کے لیے قابل قبول بنا دیا جاتا ہے۔

وزیر اعظم عمران خان نے کہا ہے کہ بدعنوانی کرنے کے لیے نواز شریف اور زرداری پہلے متعلقہ اداروں کو کمزور کرتے ہیں، بدعنوان عناصر بڑے منصوبوں سے کمیشن لے کر باہر منتقل کرتے ہیں، ان بد عنوانوں کے باعث ملک مقروض ہو جا تا ہے۔

انہوں نے کہا کہ نواز شریف اور آصف زرداری جیسے صاحب اقتدار لوگ اپنے ملک سے پیسے چوری کر کے باہر بھیجتے ہیں، قوم کی اخلاقیات کوتباہ کردیا جاتا ہے، الیکشن میں جو تماشا چلا سب نے دیکھا۔

عمران خان کا کہنا تھا کہ قوم کی اخلاقیات کو نقصان پہنچایا جاتا ہے، ایک زرداری سب پہ بھاری، کھاتا ہے تو لگاتا بھی ہے ،جیسے جملے قابل قبول ہوجاتے ہیں۔

انہوں نے کہا کہ جس قوم میں اخلاقی معیار نہ ہو وہ کبھی انصاف نہیں کر سکتی۔

وزیر اعظم عمران خان نے کہا کہ سمندر پار پاکستانوں کو وو ٹ کا حق دینے سے متعلق تفصیلی بریفنگ لوں گا۔

اس خبر پر اپنی رائے کا اظہار کریں

اپنا تبصرہ بھیجیں