57

گورنر پنجاب کی بلامقابلہ سینیٹر منتخب ہونے والے پی ٹی آئی اراکان کو مبارکباد

جنگ نیوز

گورنر پنجاب چوہدری محمد سرور نے پاکستان تحر یک انصاف (پی ٹی آئی) کے پنجاب سے بلامقابلہ سینیٹرز منتخب ہونے والے اراکین کو مبارکباد دی ہے۔

لاہور سے جاری ایک بیان میں گورنر پنجاب کا کہنا تھا کہ تمام جماعتوں کے سینیٹرز کا بلامقابلہ منتخب ہونا جمہوریت کی جیت ہے۔

انھوں نے کہا کہ باقی صوبوں اور وفاق میں بھی حکومتی و اتحادی امیدوار کامیاب ہوں گے۔

ان کا کہنا تھا کہ سینیٹ انتخابات میں شفافیت سے پارلیمنٹ اور جمہوریت مزید مضبوط ہوگی۔

انھوں نے کہا کہ سینیٹ میں اوپن بیلٹ سے متعلق سپریم کورٹ کے فیصلے کا احترام کریں گے۔

واضح رہے کہ آج الیکشن کمیشن پاکستان (ای سی پی) نے پنجاب میں سینیٹ کے تمام امیدوار کو بلامقابلہ کامیاب قرار دے دیا۔

اس خبر پر اپنی رائے کا اظہار کریں

اپنا تبصرہ بھیجیں