اسلام آباد(شوبز ڈیسک) پاکستان فیشن انڈسٹری کی خوبرو اور نوجوان ماڈل روبینہ خان رشتۂ ازدواج میں منسلک ہوگئیں۔
روبینہ خان نے فوٹو اینڈ ویڈیو شیئرنگ ایپ انسٹاگرام پر اپنی شادی کی تصویر شیئر کی ہے جس میں وہ عروسی لباس میں ملبوس ہیں۔
ماڈل نے اپنی زندگی کے سب سے خاص موقع پر سفید اور ہلکے گلابی رنگ کے جوڑے کا انتخاب کیا جبکہ اُن کے شوہر نے بھی سفید لباس زیب تن کیا۔
انسٹاگرام پر شیئر کی گئی تصویر میں روبینہ خان اپنے شوہر کے ہمراہ بےحد خوش نظر آرہی ہیں۔
View this post on Instagram
A post shared by Robina Khan (@robinakhanofficial)
روبینہ خان نے تصویر شیئر کرتے ہوئے کیپشن میں لکھا قبول ہے۔
ماڈل کی پوسٹ پر صدف کنول، نمرہ خان، اریبہ حبیب سمیت دیگر شوبز ستاروں نے مبارکباد دی اور نیک تمناؤں کا اظہار کیا۔
واضح رہے کہ روبینہ خان کا شمار پاکستان کی معروف ماڈلز میں ہوتا ہے، وہ اپنے کیرئیر میں کئی نامور برینڈز کے ساتھ کام کرچکی ہیں۔
